سەناتتا كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىندە «قازاقستان رەسپۋبليكاسىنىڭ ازاماتتىق زاڭناماسى: جاعدايى جانە ودان ءارى دامىتۋ جولدارى» تاقىرىبى بويىنشا وتىرىس ءوتتى, دەپ حابارلايدى Egemen.kz.
كوميتەت توراعاسى نۇرلان بەكنازاروۆ قازاقستان رەسپۋبليكاسىنىڭ ازاماتتىق كودەكسى بارلىق م ۇلىكتىك جانە م ۇلىكتىك ەمەس جەكە قاتىناستاردى رەتتەۋدىڭ قۇقىقتىق نەگىزى جانە كەڭ اۋقىمدى جەكە-قۇقىقتىق قاتىناستار ءتىزىمىن رەتتەيتىن جۇيەلى زاڭ بولىپ سانالاتىنىن ايتتى. دەپۋتات اتاپ وتكەندەي, ول قازىرگى زامانداعى قاۋىپ-قاتەرگە جاۋاپ بەرۋ ءۇشىن جەتىلدىرۋدى قاجەت ەتەدى.
«ازاماتتىق كودەكستىڭ قۇرىلىمىن ەگجەي-تەگجەيلى زەردەلەۋ جانە تالداۋ بويىنشا اۋقىمدى جۇمىس اتقارۋعا تۋرا كەلەدى. بۇگىنگى شارانى قازاقستاننىڭ ازاماتتىق زاڭناماسىن جەتىلدىرۋگە باعىتتالعان ماڭىزدى قادامداردىڭ ءبىرى رەتىندە قاراستىرۋعا بولادى», دەدى سەناتور.
كەزدەسۋگە قر پارلامەنتى سەناتىنىڭ دەپۋتاتتارى, جوعارعى سوتتىڭ, سالالىق مينيسترلىكتەردىڭ, سونداي-اق ەلىمىزدىڭ ساراپشىلار جانە زاڭگەرلەر قاۋىمداستىعىنىڭ وكىلدەرى قاتىستى.