اقمولا وبلىسىنىڭ پوليتسەيلەرى 26 جىلدان كەيىن, 90-جىلدارداعى قىلمىستىق توپتىڭ سوڭعى قاتىسۋشىسىن ۇستادى, دەپ جازادى Egemen.kz وبلىستىق پوليتسيا دەپارتامەنتىنە سىلتەمە جاساپ.
«باندا مۇشەلەرىنىڭ ەسەبىندە ءتورت ادام ءولتىرۋ, جۇرگىزۋشىلەرگە جاسالعان توناۋ شابۋىلدارى, ەكونوميكالىق كونتراباندا جانە بيلىك وكىلىنىڭ نەمەسە لاۋازىمدى تۇلعانىڭ اتاعىن ءوز بەتىنشە تاعايىنداۋ فاكتىلەرى بار. ءوزىنىڭ قىلمىستارىن 26 جىل بۇرىن جاساي باستادى.
1998 جىلدان باستاپ ميليتسيا قىزمەتكەرلەرىنىڭ نىساندى كيىم-كەشەكتەرىن كيىپ الىپ, اۆتوماتتى اتىس قارۋىمەن قارۋلانعان قىلمىسكەرلەر قالا سىرتىنداعى اۆتوجولداردا جەزلدىڭ كومەگىمەن اۆتوكولىكتەردى يەمدەنۋ ماقساتىندا توقتاتىپ, جۇرگىزۋشىلەر مەن ولاردىڭ جولاۋشىلارىن اتىپ تاستايتىن. دەنەلەردى ورمان القاپتارىنا كومۋ ارقىلى جويىپ, ال اۆتوكولىكتەردى زاڭسىز ساتقان», دەلىنگەن اقپاراتتا.
1999 جىلى باندانىڭ ءتورت مۇشەسى ۇستالدى. كەيىننەن سوت ۇكىمىمەن ولاردىڭ ەكەۋى ءولىم جازاسىنا, قالعاندارى ۇزاق جىلعا باس بوستاندىعىنان ايىرىلدى. قۇجاتتاردى, تەگىن, اتىن, اكەسىنىڭ اتىن جانە تۋعان جىلىن زاڭسىز وزگەرتكەن, وعان قوسا سىرتقى كەلبەتىن دە وزگەرتكەن جانە 26 جىل بويى قۇقىق قورعاۋ ورگاندارىنان جاسىرىنعان توپتىڭ ءبىر عانا مۇشەسى ادىلەتتىلىكتەن قاشىپ قۇتىلا الدى.
2024 جىلدىڭ 27 قاڭتارىندا جەدەل-ىزدەستىرۋ ءىس-شارالارى مەن ۇزاق ازىرلەمەلەردىڭ ناتيجەسىندە, توپتىڭ سوڭعى قاتىسۋشىسى كوكشەتاۋ قالاسىندا ۇستالدى. قازىرگى ۋاقىتتا قاجەتتى تەرگەۋ راسىمدەرى جۇرگىزىلىپ جاتىر.