قازاقستان ۇلتتىق بانكى وتكەن جىلدىڭ 23 جەلتوقسانىندا 5 مىڭ تەڭگەلىك جاڭا بانكنوتانى اينالىمعا شىعاردى, دەپ جازادى Egemen.kz.
«بۇل – «ساق ءستيلى» جاڭا سەرياسىنىڭ العاشقى بانكنوتاسى. ول قازاقى ويۋ-ورنەكتىڭ باستاۋ نەگىزى سانالاتىن جانە كوشپەندىلەردىڭ بىرەگەي مادەنيەتىنەن باستاپ بۇگىنگى قازاقستانعا دەيىنگى ەل مۇراسىن بەينەلەيتىن «ساق ءستيلى» ەلەمەنتتەرىنە نەگىزدەلگەن», دەلىنگەن قازاقستان ۇلتتىق بانكىنىڭ حابارلاماسىندا.
بانك جاڭا نومينالداردى جالعان اقشادان اجىراتۋعا كومەكتەسەتىن بىرنەشە قورعانىش ەلەمەنتتەرىن كورسەتتى:
بانكنوتاعا بەدەر سالاتىن التىن ينتاگليو اتتى ارنايى باسپا ءتاسىلى قولدانىلعان. 5 000 تەڭگەدە التىن ءتۇستى كۇردەلى بەدەرلى بوياۋمەن قازاقستاننىڭ ەلتاڭباسى باسىلعان.2. بانكنوتانىڭ بەت جاعىنىڭ جيەگىندە شىعىڭقى, كۇردەلى بەدەرلى ەلەمەنتتەر بار, ولاردى ساۋساقپەن سيپاپ سەزۋگە بولادى.3. بانكنوتا بەتىندە ەكى ءتۇستى ۇزىك-ۇزىك قورعانىش سىزىق تا بار. ول, جارىق تۇسكەندە, ءبىرتۇتاس سىزىق بولىپ انىق كورىنەدى. بانكنوتاعا باسقا قىرىنان قاراعان كەزدە, قىزىل جانە كوك تۇستەر ءبىر-ءبىرىن كەزەكتەسە الماستىرىپ تۇرعانداي اسەر بەرەتىن ديناميكالىق ەففەكت بايقالادى.4. بانكنوتانىڭ بەت جاعىندا بۇركىت بەينەسىندەگى كولەمدى, ايشىقتالعان پاتچ قورعانىش ەلەمەنتى ورنالاسقان. بانكنوتانى اۋدارعاندا, نومينالدىڭ قۇنىن بىلدىرەتىن تسيفر ويۋ-ورنەككە اينالادى, سونداي-اق كۇن بەلگىسىنىڭ ساۋلەلەرى جان-جاققا تارالعانداي اسەر بايقالادى.5. كەي كوركەمدىك ەلەمەنتتەرگە ارنايى التىن تۇستەس جىلتىر بوياۋ قولدانىلعان.6. بانكنوتاعا جارىق تۇسكەندە, نومينالدىڭ قۇنى كورسەتىلگەن ەرەكشە بەلگى انىق بايقالادى.7. بانكنوتانىڭ ەكىنشى بەتىندە «بۇركىت» ارتەفاكتىنىڭ بەينەسىندە كولەمدى سپارك ەلەمەنتى ورنالاسقان. بانكنوتاعا باسقا قىرىنان قاراعان كەزدە, سپاركتىڭ ءتۇسى التىن تۇستەن نەفريت تۇسكە وزگەرەدى.مۇنداي تەكسەرۋ تاسىلدەرى بىرنەشە سەكۋند ۋاقىتتى الادى جانە كەز كەلگەن ادامعا بانكنوتانىڭ تۇپنۇسقالىعىن انىقتاۋعا كومەكتەسەدى.