قۇرلىقتىق حوككەي ليگاسىندا (قحل) كۇش سىناسىپ جۇرگەن «بارىس» قاتارىنان ءتورتىنشى كەزدەسۋىندە جەڭىلىستىڭ كەرمەك ءدامىن تاتتى.
بۇل جولى جەرلەستەرىمىز تولياتتيگە ساپار شەكتى. ولەگ بولياكين اتالعان ماتچقا مىنا ويىنشىلاردى شىعاردى: شۋتوۆ (پاسكۋالە) – سكلەنيچكا-نوجە, اسەتوۆ-اپالكوۆ – كامارا, حەنكەل – شالاپوۆ, ساۆيتسكي-شەستاكوۆ – وبەرگ, بەكەتاەۆ – نۇرعاليەۆ, رىمارەۆ – چەرۆەني – مۇراتوۆ, ومىربەكوۆ – شايحمەددەنوۆ – بوريسەۆيچ. جەرلەستەرىمىز باسەكەنى جامان باستاعان جوق. ءبىراز ۋاقىت بويى ولار ايدىن يەلەرىنە تويتارىس بەردى. دەسەك تە ءبىرىنشى كەزەڭنىڭ اياقتالۋىنا ءبىر جارىم مينۋتتاي ۋاقىت قالعاندا قوناقتاردىڭ قورعانىس شەبى سىر بەردى. سودان كەيىن-اق «لادانىڭ» حوككەيشىلەرى ءوز ۇستەمدىگىن جۇرگىزدى. 54-مينۋتتا وستاپ سافين ەكىنشى گولدى سوققاننان كەيىن ماسەلە تولىقتاي شەشىلدى. ەسەپ – 2:0.
قازىرگى كەزدە «بارىس» جارىس كەستەسىندە 19-ورىندا كەلەدى. كەشە ولار قازاننىڭ «اق بارسىن» قابىلدادى.