فينليانديادا پرەزيدەنت سايلاۋى ءوتىپ جاتىر

فينليانديادا 5,5 ميلليون حالىق تۇرادى, ونىڭ 4,5 ميلليونعا جۋىعى داۋىس بەرۋ قۇقىعىنا يە. سايلاۋ ۋچاسكەلەرى جەرگىلىكتى ۋاقىت بويىنشا ساعات 09:00-دە (استانا ۋاقىتى بويىنشا 13:00) اشىلىپ, 20:00-گە دەيىن (استانا ۋاقىتى بويىنشا 00:00) جۇمىس ىستەيدى.

ۇمىتكەرلەردىڭ ءبىرى جەڭىسكە جەتسە, جاڭا پرەزيدەنتتىڭ يناۋگۋراتسياسى 1 اقپاندا ءوتۋى كەرەك.

ۇمىتكەرلەردىڭ ەشقايسىسى 50 پايىزدان استام داۋىس جيناي الماسا, ەڭ جوعارى ناتيجە كورسەتكەن ەكى ۇمىتكەر اقپاننىڭ 11-ىنە بەلگىلەنگەن ەكىنشى تۋرعا وتەدى.

فينليانديادا پرەزيدەنت التى جىلدىق مەرزىمگە سايلانادى. فينليانديانىڭ قازىرگى پرەزيدەنتى ساۋلي نينيستيو ەڭ كوبى ەكى مەرزىم قاتارىنان سايلانعان سوڭ مەملەكەت باسشىسى رەتىندەگى قىزمەتىن اياقتايدى.

پرەزيدەنتتىككە توعىز كانديدات ۇسىنىلدى.