الەۋمەتتىك جەلىدە تاراعان ۆيدەوعا قاراعاندا, زارداپ شەككەندەر بار, دەپ حابارلايدى Egemen.kz اقپارات اگەنتتىگى.
«كولىكپەن جۇمىسقا كەتىپ بارا جاتىر ەدىك, مىنانداي وقىس وقيعانىڭ كۋاسى بولدىق. كولىكتىڭ استىنا قىسىلىپ قالعان جاس جىگىتتى جابىلىپ شىعارىپ الدىق. جاسى 17-دە ەكەن. ءوزى امان-ەسەن. وعان كومەكتەسىپ جاتقاندا تاعى ءبىر جول اپاتى ورىن الدى»,- دەپ جازدى وقيعانىڭ كۋاگەرى.
بەلگىلى بولعانداي, جول اپاتىنىڭ ءبارى 26 قاڭتار كۇنى تاڭەرتەڭ الماتى-وسكەمەن تاسجولىنىڭ الماتى-قوناەۆ اقىلى بولىگىندە بولعان.
«الدىن الا مالىمەت بويىنشا, Mitsubishi Legnum كولىگىنىڭ جۇرگىزۋشىسى ءرۋلدى باسقارا الماي ەلەكتر باعاناسىنا سوعىلعان, كەيىن ونى ەۆاكۋاتسيالاۋ ءۇشىن Mazda كولىگى كومەككە كەلەدى. سول كەزدە JAC كولىگىنىڭ جۇرگىزۋشىسى قاشىقتىقتى ساقتاماي Mazda-عا كەلىپ سوعىلدى»,- دەلىنگەن قازاۆتوجول تاراتقان دەرەكتە.