سەنات دەپۋتاتى گەننادي شيپوۆسكيح ۆانداليزمگە قارسى كۇرەستى كۇشەيتۋ قاجەتتىگىن ايتتى, دەپ جازادى Egemen.kz.
«سوڭعى ۋاقىتتا ۆانداليزم ماسەلەسى ۋشىعىپ تۇر. كۇن سايىن باق بەتتەرىندە بىرەۋلەردىڭ حالىقتىڭ مۇلكىن, كوممۋنالدىق مەنشىگىن بۇلدىرگەنى تۋرالى جاڭالىقتار جەلدەي ەسۋدە. ۆانداليزم دەرتى ەپيدەميا سىندى. بۇعان, ارينە, جول جوق. بۇل تۇرعىدا مەملەكەت باسشىسىنىڭ جاقىندا ايتقان سوزىندە حالىقتىڭ قۇقىقتىق ساۋاتتىلىعىن ارتتىرۋ جانە قوعامدىق تارتىپسىزدىكتەر مەن مادەنيەتسىزدىكتى بولدىرماۋ جونىندەگى مىندەتتەر ەرەكشە وزەكتىلىككە يە بولىپ وتىر. قازىرگى جاعداي مۇنداي زاڭسىز ارەكەتتەر ءۇشىن جاۋاپكەرشىلىكتى كۇشەيتۋدى قايتا قاراۋ كەرەكتىگىن دالەلدەپ وتىر. سەناتورلار زاڭناماعا ءتيىستى وزگەرىستەر ەنگىزۋ ماسەلەسىن قاراستىرۋعا دايىن. ءبىز بارلىق مۇددەلى تاراپتاردى وسى باعىتتاعى بىرلەسكەن قىزمەتكە شاقىرامىز. سونىمەن قاتار مۇنداي جاعدايلاردىڭ الدىن الۋ ءۇشىن زاڭنامالىق شارالاردان باسقا, ءبىرىنشى كەزەكتە جاستار اراسىندا ءتيىستى پروفيلاكتيكالىق جۇمىس جۇرگىزۋ قاجەت», دەدى گ.شيپوۆسكيح.
سەناتور ۆانداليزمگە قارسى كۇرەستى ۇكىمەت, جەرگىلىكتى اتقارۋشى ورىندار جانە قۇقىق قورعاۋ ورگاندارى باقىلاۋعا الۋى كەرەك ەكەنىن ەسكەرتتى.