جىل باسىنان بەرى جەتىسۋ وبلىسىنىڭ پروكۋرورلارى كاداسترلىق قۇنى 95 ميلليون تەڭگەدەن اساتىن 30 جەر تەلىمىن مەملەكەتتىك جەر قورىنا قايتاردى, دەپ جازادى Egemen.kz جەتىسۋ وبلىسى پروكۋراتۋراسىنا سىلتەمە جاساپ.
«اقسۋ اۋدانىنداعى جالپى اۋدانى 7 مىڭ گەكتار يگەرىلمەگەن جانە ۇزاق ۋاقىت بويى ماقساتى بويىنشا پايدالانىلماعان اتالعان ۋچاسكەلەر «كۇرەڭبەل» جشس-نە تيەسىلى. سونىمەن قاتار قاراتال جانە كوكسۋ وزەندەرى ارنالارىنىڭ كارەرلەرىنىڭ سۋ قورعاۋ ايماعىندا جەر قويناۋىن پايدالانۋشىلارعا زاڭسىز بەرىلگەن 75 گەكتار جەر انىقتالدى. جەر قويناۋىن پايدالانۋشىلار قۇم-قيىرشىق تاس قوسپاسىن زاڭسىز وندىرۋمەن اينالىسقان, ال سۋ قورعاۋ ايماعىندا تاۋ-كەن وندىرۋگە زاڭمەن تىكەلەي تىيىم سالىنعان.
پروكۋراتۋرانىڭ قاداعالاۋ اكتىسى بويىنشا سوت قاۋلىسىمەن كىنالى تۇلعالار اكىمشىلىك جاۋاپكەرشىلىككە تارتىلدى. جەر قويناۋىن پايدالانۋشىلارعا رۇقساتتاردىڭ قولدانىلۋىنىڭ شارتتىق مىندەتتەمەلەرىن ودان ءارى بۇزا وتىرىپ توقتاتىلدى», دەلىنگەن اقپاراتتا.
جەتىسۋ وبلىسىنىڭ پروكۋراتۋراسى سۋ قورىنىڭ جەرىن مەملەكەتكە قايتارۋ شاراسىن قولعا الدى.