تۇركىستان وبلىسىندا «اۋىل اماناتى» جوبالارى بويىنشا ءباسپاسوز تۋرى ءوتتى

ەستەرىڭىزگە سالا كەتەيىك, «اۋىل اماناتى» باعدارلاماسى مەملەكەت باسشىسىنىڭ تاپسىرماسى نەگىزىندە جۇزەگە اسىرىلىپ جاتىر. ونىڭ باستى ماقساتى − ەلىمىزدىڭ بارلىق وڭىرلەرىندە اۋىل تۇرعىندارىنىڭ تابىسىن ارتتىرۋ. اۋىل تۇرعىندارىنا ميكروكرەديتتەر جىلدىق 2,5%-دان اسپايتىن سىياقى مولشەرلەمەسىمەن بەرىلەدى. 2023 جىلدىڭ قورىتىندىسى بويىنشا باعدارلاما اياسىندا 12,2 ملرد تەڭگەگە 75,5 مىڭ شاعىن نەسيە بەرىلىپ, 12 مىڭنان استام جۇمىس ورنى قۇرىلدى. تۇركىستان وبلىسىنا كەلەتىن بولساق, وتكەن جىلدى مۇندا 3 256 ملرد تەڭگەگە 19,8 جوبا قارجىلاندىرىلدى, 3 413 جۇمىس ورنى اشىلدى. كووپەراتيۆتەر نەگىزىندە جەكە قوسالقى شارۋاشىلىقتاردى دامىتۋعا باسىمدىق بەرىلدى.

ءباسپاسوز تۋرى باعدارلاماسىندا ءبىرىنشى نىسان قارناق اۋىلىنداعى ء«تاجيتدين اتا» اوك برويلەر ەتىن ءوندىرۋ جوباسى بولدى. ونىڭ قۇنى 71,6 ملن تەڭگە, «اۋىل اماناتى» بويىنشا وعان 27,6 ملن تەڭگە بولىنگەن. جوبا جىل سايىن 50 توننا قۇس ەتىن شىعارا وتىرىپ, اۋدانى 15 سوتىقتان اسپايتىن شاعىن كەڭىستىكتى بارىنشا پايدالانادى. بۇل شارۋاشىلىق جەردى ۇنەمدى پايدالانۋدىڭ ۇلگىسى بولدى. ايتا كەتەيىك, ء«تاجيتدين اتادا» ءونىم ءوندىرۋ جانە ساتۋ تىزبەگى ساۋاتتى قۇرىلعان, ال قۇس ەتىنىڭ كيلوگرامى 1 500 تەڭگەدەن كوتەرمە باعامەن ساتىلادى.

ءوڭىر ءۇشىن تاعى ءبىر ماڭىزدى باستاما − تالاپتى ەلدى مەكەنىندەگى «Ran» جك بالىق ءوسىرۋ جوباسى. ونىڭ قۇنى − 12 ملن تەڭگە, «اۋىل اماناتى» باعدارلاماسى بويىنشا 7 ملن تەڭگە قارجىلاندىرىلدى. جوبا جەتەكشىسى ءوز باقشاسىندا ءتورت باسسەين سالىپ, وعان سازان شاباقتارىن جىبەرگەنىن ايتتى. شاباقتار بەلگىلى ءبىر جاسقا جەتكەندە ساتىلادى جانە وڭىردە بالىق ونىمدەرىنە سۇرانىس ارتادى. جوبانىڭ بولجامدى قۋاتى جىلىنا 20 توننا ءونىم, الداعى جىلدارى تاعى 15 باسسەين سالۋ جانە وسىلايشا كاسىپورىندى كەڭەيتۋ جوسپارلانعان.

بالتاكول اۋىلىنداعى ناۋبايحانانىڭ باسشىسى ءبىرجان ءجۇنىسوۆ باق وكىلدەرىنە ءوزىنىڭ جەتكەن جەتىستىكتەرى جايىندا ايتىپ بەردى. وندا كۇنىنە 300-350 دانا نان ساتىلادى. كاسىپكەردىڭ ايتۋىنشا, ول «اۋىل اماناتى» تۋرالى ەستىگەندە جۇمىسسىز بولعان جانە وعان جەرگىلىكتى اتقارۋشى ورگان قۇجاتتاردى راسىمدەپ قانا قويماي, بيزنەس-جوسپار جاساۋعا دا كومەكتەسكەن. ناتيجەسىندە اۋىل تۇرعىنى ءوزىنىڭ شاعىن ءىسىن ۇيىمداستىرۋ ءۇشىن 8 ملن تەڭگە نەسيە الدى, نەگىزگى قارىزدى تولەۋ كۇزدە باستالادى. ول نەسيەنى مەرزىمىنەن بۇرىن جابۋدى جانە تاعى ودان دا ءىرى سومانى الۋدى جوسپارلاپ وتىر. «اۋىل اماناتى» باعدارلاماسىنىڭ جاڭا ەرەجەسى فەرمەرلەرگە كاسىبىن كەڭەيتۋگە 29 ملن تەڭگە الۋعا مۇمكىندىك بەرەدى.

دەگەنمەن, ناۋبايحانا بالتاكولدەگى «اۋىل اماناتىنىڭ» جالعىز جوباسى ەمەس, الاقانداي اۋىلدا «العا-بام» تارى وڭدەيتىن زاۋىتى دا بار. ويتكەنى اۋىل تارى وسىرۋمەن تانىمال بولعانىمەن, ونى وڭدەۋ ۇلكەن جوبانى قاجەت ەتەتىن. قازىر العا-بام زاۋىتى تاۋلىگىنە 5500 كەلىگە جۋىق تارى وڭدەيدى. زاۋىتتا سۋسىمالى ونىمدەردى قۇيۋعا جانە بۋىپ-تۇيۋگە ارنالعان ستانوك, وندىرىستىك جەلى, ديىرمەن سەكىلدى بارلىق قاجەتتى قۇرال-جابدىقتار بار. ايتا كەتەيىك, «اۋىل اماناتى» جوباسى اياسىندا قارجىلاندىرىلعان نەسيە قاراجاتىنىڭ كولەمى 20 ملن تەڭگەنى قۇرادى.

سونىمەن, جۋرناليستەر نازارىنا مال شارۋاشىلىعى بويىنشا ەكى جوبا ۇسىنىلدى: ءبىرى انگۋس تۇقىمدى 15 باس ىقم, ەكىنشىسى ءسۇت باعىتىنداعى 15 باس ىقم ساتىپ الىپ, كاسىبىن دوڭگەلەتىپ وتىر.

ايتا كەتۋ كەرەك, باعدارلاما ارقىلى جۇزەگە اسقان بارلىق جوبالار تۇرعىنداردىڭ تابىسىن ارتتىرىپ قانا قويماي, جالپى وڭىرگە وڭ اسەر ەتىپ, اۋىل شارۋاشىلىعىن دامىتۋعا سەپتىگىن تيگىزەدى.

24 قاڭتاردا «اۋىل اماناتى» جوبالارى بويىنشا ءباسپاسوز تۋرى قىزىلوردا وبلىسىندا جالعاسادى.