ۇلتتىق تەستىلەۋ ورتالىعى ۇبت تاپسىراتىن 16 جاستان اسقان جانە 16 جاسقا تولماعان تۇلەكتەردەن قانداي قۇجات سۇرالاتىنىن ايتتى, دەپ جازادى Egemen.kz.
ۇلتتىق تەستىلەۋ ورتالىعىنىڭ مالىمەتىنشە 16 جاسقا تولعان ۇبت تاپسىرۋشىدان ءبىر عانا قۇجات تالاپ ەتىلەدى. ول تۇلعانىڭ جەكە باسىن كۋالاندىراتىن - جەكە كۋالىك (پاسپورت). ءبىتىرۋشى قۇجاتىن eGov, Kaspi.kz جانە Halyk قوسىمشالارى ارقىلى ەلەكتروندى فورماتتا دا ۇسىنۋعا قۇقىلى.
ال ۇبت تاپسىرۋ كەزىندە 16 جاسقا تولماعان تۇلەك تۋ تۋرالى كۋالىك جانە كولەمى 3ح4 ءتۇرلى ءتۇستى فوتوسى بار مەكتەپتەن انىقتاما الىپ كەلۋ كەرەك.
«قۇجاتتارمەن قوسا, تەستىلەۋگە قاتىسۋشىلار وزدەرىمەن بىرگە قالام, قاجەت بولعان جاعدايدا سۋ بوتەلكەسى مەن شوكولاد كىرگىزۋگە رۇقسات ەتىلەدى. باسقا زاتتاردىڭ بارلىعىنا تىيىم سالىنعان جانە ولاردى الىپ كىرۋگە تىرىسۋ تەستىلەۋ ەرەجەلەرىن بۇزۋ بولىپ سانالادى. جۇمىس ءۇشىن پاراقتار ەمتيحان ورنىندا ۇسىنىلادى», دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ.
ورتالىق تەست تاپسىرۋشى ۇبت تاپسىرعاندا ىڭعايلى ارەكەت ەتۋ ءۇشىن ەركىن كيىم كيۋگە تىيىم سالىنبايتىنىن دا ەسكە سالدى.