23 قاڭتار كۇنى كەشكە ورالداعى تايمانوۆ كوشەسىندە جەكە تۇرعىن ءۇي ورتەنىپ, ءۇيدىڭ يەسى زارداپ شەكتى, دەپ حابارلايدى Egemen.kz «موي گورود» باسىلىمىنا سىلتەمە جاساپ.
وقيعا ورنىنا جەتكەن ءورت سوندىرۋشىلەر ۇيدە جيھازدار مەن توبەنىڭ ءبىر بولىگى جانىپ جاتقانىن انىقتادى. ءورت اۋماعى شامامەن 40 شارشى مەتردى قۇرادى.
«1936 جىلى تۋعان ءۇي يەسى ءورت ورنىنان جەدەل جاردەم اۋرۋحاناسىنا جەتكىزىلدى. ءورت ورنىنان 50 ليترلىك 1 گاز باللونى شىعارىلدى. ءورت 17:41-دە وقشاۋلانىپ, 17:56-دا ءسوندىرىلدى», دەپ حابارلادى باتىس قازاقستان وبلىسى توتەنشە جاعدايلار دەپارتامەنتى.