جيھاز جاسايتىن تسەحتا 23 قاڭتاردا ءىرى ءورت بولعان. جۇزگە جۋىق ءورت ءسوندىرۋشى 2 ساعاتقا جۋىق ۋاقىتتا ءورت وشاعىن جويدى, دەپ حابارلايدى Egemen.kz قالالىق تجد ءباسپاسوز قىزمەتىنە سىلتەمە جاساپ.
حابارلاما تۇسكەن سوڭ, ساعات 21:20-دا استانا قالاسى تجد ءورت ءسوندىرۋ بولىمشەلەرى دۇكەن ۇلى كوشەسى, 31/11س مەكەنجايىندا بولىپ جاتقان ءورتتى سوندىرۋگە اتتانعان.
«ساعات 21:26-دا جيھاز جاسايتىن وندىرىستىك تسەحتا, 1200 شارشى مەتر الاڭدا, جيھاز دايىندامالارى, پلاستماسسا جانە رەزەڭكە-تەحنيكالىق بۇيىمدار جانعانى انىقتالدى. شتاب ۇيىمداستىرىلىپ, ءورت سوندىرۋشىلەر جەدەل ءارى ۇيلەسىمدى ارەكەتتەرىمەن ءورتتىڭ جاقىن ماڭداعى عيماراتتارعا تارالۋىنا جول بەرمەدى. ءورت سوندىرۋشىلەردىڭ كۇشىمەن ساعات 22:40-تا ءورت وقشاۋلانىپ, ساعات 23:19-دا جويىلدى», دەلىنگەن حابارلامادا.
ءورتتى سوندىرۋگە ەلوردالىق تجد جەكە قۇرامىنىڭ 93 ادامى جانە 18 بىرلىك تەحنيكاسى, سونداي-اق اپاتتار مەديتسيناسى ورتالىعىنىڭ قىزمەتكەرلەرى جۇمىلدىرىلعان.