الماتى قالاسى توتەنشە جاعدايلار دەپارتامەنتىنىڭ باسشىسى نۇرلان اتىعاەۆ جەر سىلكىنىسى سالدارىنان ۇيلەر قيراپ نەمەسە زاقىمدانىپ قالسا قالا تۇرعىندارىنا قايدا جۇگىنۋگە بولاتىنىن ايتتى, دەپ حابارلايدى Egemen.kz.
«بارلىق تۇرعىن ءۇي نىساندارى تەكسەرىستەن وتەدى. تۇرعىندار بىزگە جەدەل جەلى ارقىلى (8 727 278 20 83; 8 727 278 20 84) اقپارات جىبەرە الادى. ءبىز ءبارىن تەكسەرەمىز. ناقتى قاي ۋاقىتتا تەكسەرەتىنىمىزدى ايتا المايمىن, مۇمكىن بۇگىن, ەرتەڭ نەمەسە ارعى كۇنى بولۋى مۇمكىن», دەپ جاۋاپ بەردى سپيكەر بريفينگتە.
قاڭتاردىڭ 22-نەن 23-ىنە قاراعان ءتۇنى الماتىلىقتار قاتتى جەر سىلكىنىسىن سەزىندى. جەراستى دۇمپۋلەرى بىرنەشە مينۋتقا سوزىلدى. قالا تۇرعىندارى ۇيلەرىن اسىعىس تاستاپ كەتتى.
كەيىن توتەنشە جاعدايلار قىزمەتى بۇدان ءارى كۇشتى جەراستى دۇمپۋلەرى بولجانباعانىن حابارلادى. بۇل تۋرالى سەيسمولوگ تا ايتتى.
سونداي-اق قالانىڭ ءار اۋدانىندا جەدەل جاردەم قابىلداۋ پۋنكتتەرى اشىلدى. تاڭەرتەڭ جەر سىلكىنىسى سالدارىنان 44 ادامنىڭ زارداپ شەككەنى بەلگىلى بولدى.