اۋىل شارۋاشىلىعى مينيسترلىگى كوكتەمگى ەگىس, جيىن-تەرىم ناۋقانىنا وراي اگرارلارعا بەرىلەتىن نەسيەنى قارجىلاندىرۋدى باستادى. بيۋدجەتتىك كرەديت اياسىندا 15 ملرد تەڭگە مولشەرىندەگى نەسيە بەرۋدىڭ ءبىرىنشى كەزەڭىن «اگرارلىق نەسيە كورپوراتسيا» اق جۇزەگە اسىرادى, دەپ جازادى Egemen.kz.
وسى جىلى كوكتەمگى ەگىس جانە ەگىن جيناۋ جۇمىستارىن جۇرگىزۋ ماقساتىندا جەڭىلدەتىلگەن كرەديت بەرۋ ءۇشىن باس-اياعى 140 ملرد تەڭگە كولەمىندە قارجى ءبولىندى. بۇل سۋمما كەم دەگەندە 2 ملن گەكتار القاپقا ەگىن ەگۋگە مۇمكىندىك بەرەدى.
باعدارلاما بويىنشا ديحاندارعا كرەديت 2025 جىلدىڭ 1 ناۋرىزىنا دەيىن بەرىلەدى. ونىڭ ىشىندە نەگىزگى قارىز بەن سىياقى سوماسىنىڭ 50 پايىزىن 2024 جىلعى 1 جەلتوقسانعا دەيىن, قالعان 50 پايىزىن كەلەر جىلدىڭ 1 ناۋرىزىنا دەيىن راسىمدەۋگە بولادى. اگرارلارعا ارنالعان نەسيە جىلدىق 5 پايىزدان اسپايتىن مولشەرلەمە بويىنشا بەرىلەدى. نەسيەنى وتەۋ كەستەسى شارۋالاردىڭ قارىز شارتتارىن جاساسۋ كەزىندە جەكە تارتىپپەن قاراستىرىلادى.
«اگرارلىق نەسيە كورپوراتسياسى» اق جەڭىلدەتىلگەن نەسيەنى وڭىرلەردە ەكىنشى دەڭگەيدەگى بانكتەر, كرەديتتىك سەرىكتەستىكتەر, ميكروقارجى ۇيىمدارى جانە وڭىرلىك ينۆەستيتسيالىق ورتالىقتار ارقىلى جۇزەگە اسىرادى.
«ايتا كەتەيىك, بۇعان دەيىن اۋىل شارۋاشىلىعى مينيسترلىگى سىياقى مولشەرلەمەلەرىن سۋبسيديالاۋ شارتتارىنا وزگەرىستەر ەنگىزگەن بولاتىن. ەنگىزىلگەن وزگەرىس قارىز الۋشى ءۇشىن قيىندىق تۋدىراتىن ءمان-جايلاردىڭ باستالۋىنا بايلانىستى سىياقى مولشەرلەمەسىن تولەۋ جانە (نەمەسە) نەگىزگى بورىشتى وتەۋ بويىنشا كەيىنگە قالدىرۋ مەرزىمىن 10 ايدان 24 ايعا دەيىن ۇزارتۋعا مۇمكىندىك بەرەدى. تۇزەتۋلەر وسى جىلدىڭ 15 قاڭتارىندا كۇشىنە ەندى», دەپ حابارلادى مينيسترلىكتىڭ ءباسپاسوز قىزمەتى.
«كەڭ دالا» كوكتەمگى دالا جانە ەگىن جيناۋ جۇمىستارىنا كرەديت بەرۋ بويىنشا جەڭىلدەتىلگەن باعدارلاماسى بيۋدجەتتىك كرەديتتى قايتا قۇرىلىمدايدى. بۇل باعدارلاما قاتىسۋشىلارىنا 2023 جىلعى قارىزدارىن ايىپپۇل سانكتسيالارىن قولدانباي-اق تولەۋ مۇمكىندىگىن بەرەدى.