15-16 قاڭتاردا الماتى قالاسىنىڭ حالىقارالىق اۋەجايىندا شەكارالىق باقىلاۋدى جۇزەگە اسىرۋ كەزىندە فرانتسيا مەن گرەتسيانىڭ جالعان قۇجاتتارىن ۇسىنعان 3 شەتەلدىك ۇستالدى, دەپ حابارلايدى Egemen.kz ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
«ارنايى تەحنيكالىق قۇرالداردى قولدانا جۇرگىزىلگەن قوسىمشا تەكسەرۋ ولاردىڭ جارامسىزدىعىن راستادى. جالعان تولقۇجاتتار الىندى. ەكى ادامعا قاتىستى سوتقا دەيىنگى تەرگەپ-تەكسەرۋ باستالدى, ءبىر شەتەلدىك ازامات دەپورتاتسيالاندى», دەپ حابارلادى كوميتەتتىڭ ءباسپاسوز قىزمەتىنەن.
2024 جىلدىڭ باسىنان مەملەكەتتىك شەكارا ارقىلى وتكىزۋ پۋنكتتەرىندە شەكاراشىلار جارامسىز جانە بوتەن تولقۇجاتتاردى قولدانۋدىڭ 18 فاكتىسىن انىقتادى.
ۇقك شەكارا قىزمەتى جالعان قۇجاتتاردى قولدانىپ, شەكارانى بۇزعانى ءۇشىن قىلمىستىق جاۋاپكەرشىلىككە تارتۋ قاراستىرىلعانىن ەسكە سالدى.