زاعيپتاردىڭ جانازىعى

رۋحاني شاڭىراقتىڭ زا­عيپ جانە ناشار كورەتىن ازا­مات­­تارعا ارنالعان ءبولىمى «قا­زاق زاعيپتار قوعامىنىڭ» عي­ما­را­تىندا ورنالاسقان. كوز جا­نا­رىنداعى قيىندىقتارعا قارا­ماستان, زاعيپ جانداردىڭ وقۋ­عا دەگەن قۇشتارلىعى ەرەكشە. كىتاپحانانىڭ ءبولىم مەڭگەرۋشىسى گاۋحار تاۋكەباەۆانىڭ ايتۋىنشا, بولىمدە 4 قىزمەتكەر جۇمىس ىستەيدى. ولار ءوز مىندەتىن بارىنشا ىجداھاتتى اتقارۋعا تىرىسادى. «مۇنداعى وقىرماندار – ەرەكشە قاجەتتىلىگى بار جان­دار. تۇيسىكتىڭ سەزىمتالدىعى ار­قى­لى ولار بارلىق ىسكە يكەمدىلىگىن كورسەتە الادى. كوبىنە زاعيپ وقىر­ماندار ۇيدە وتىرىپ-اق تەلەفون ارقىلى تاپسىرىس بەرەدى, ول كىتاپتار ينۆاتاكسي قىزمەتى ارقىلى جونەلتىلەدى», دەيدى ماماندار.

مۇندا ورناتىلعان سكانەر­لەپ جانە داۋىستاپ وقيتىن قۇ­رال «سارا سە» ماشينكاسى, سوي­لەي­تىن نوۋتبۋك, ل. برايل جۇيەسى بو­يىنشا وقيتىن جانە جا­زاتىن كومپيۋتەر, گريفەل ءشريفتى, برايل ءالفاۆيتىن تىزە­تىن تاقتايشا, ۇلكەيتىپ وقيتىن لۋپا سياقتى قۇرال-جابدىقتار – وقىرمان ءۇشىن ۇلكەن كومەكشى. بەلگىلى بولعانداي, 2016 جىلدان بەرى ماسكەۋ قالاسىنداعى «لوگوس» ونلاين-كىتاپحاناسى ار­قىلى اV-3715 تىركەۋىنە تۇرىپ, ونداعى كىتاپتاردى وقۋ مۇم­كىندىكتەرى قاراستىرىلعان.

بولىمدە تيفلوقۇرىلعالار­دىڭ كومەگى ارقىلى وقىرماندارعا «جانارىم جۇرەگىمدە» جوبا­سى قولعا الىنعالى بەسىنشى جىل­عا اياق باستى. بۇل جوبا ءوزى­­نىڭ تيىم­دىلى­گىن كورسەتىپ كە­لە­دى. جوبا اياسىن­دا زاعيپ جان­دار­­دى تيفلوكوم­پيۋتەر ساۋات­تى­لىعىنا, ياعني جەكە كومپيۋ­تەر­دى پايدالانۋ نەگىزدەرى مەن ين­تەرنەت جەلىسىن پايدالانا بىلۋ­گە ۇيرەتۋدە. وسى ارقىلى وقىر­ماندار ءارتۇرلى با­عىتتاعى كىتاپ­تار, جۋرنالدار, اۋديوكاسسەتالار تىڭداي الادى جانە ءوز كوكەيىندە جۇرگەن تاقىرىپتارى جايلى جازۋعا مۇم­­­كىنشىلىكتەرى بار.

«جوبانىڭ نەگىزىندە زاعيپ جاندارعا ارنالعان ارنايى «Jaws for windows» باعدارلاماسى­نىڭ كومەگىمەن عالامتوردى قولدا­نۋ ارقىلى قاجەتتى اقپاراتتى ىزدەۋدى, ونى «Ms word» ءماتىندى وڭدەۋ باعدارلاماسىنا كوشىرۋدى ۇيرەتىپ جاتىرمىز. ياعني وقىر­ماندارىمىز ءماتىندى كومپيۋتەردە سكانەرلەپ, ءارى قاراي دى­بىستى باعدارلامالاردىڭ كومە­گىمەن وقۋعا ماشىقتانۋدا. سول سياقتى ءبولىم قىزمەتكەرلەرى قازاقستاننىڭ حالىق سۋرەت­شىسى ءابىلحان قاستەەۆتىڭ 120 جىل­دىعىنا وراي جەتىسۋ وبلى­سى­نىڭ كوركەمونەر گالەرەياسىندا «بەينەلەۋ ونەرىنىڭ حاس شەبەرى» اتتى تاقىرىپتا زاعيپ جاندار­عا ارناپ ەكسكۋرسيا ساعاتىن ۇيىم­داستىردىق. الداعى ۋاقىتتا دا وقىرماندارىمىزعا پايدالى بو­لاتىن ءىس-شارالارىمىز بار», دەيدى گ.تاۋكەباەۆا.

كىتاپحانانىڭ تۇراقتى وقىر­ماندارىنىڭ ءبىرى تالدى­قور­عاندىق شىرىنگۇل سماعۇلوۆا كورۋ قابىلەتىنىڭ قيىندىعىنا مويىماي, كىتاپتى ۇزبەي وقۋعا تىرىسادى. «ادام قانداي جاع­دايدا دا ۇزدىكسىز رۋحاني ءوسىپ, جەتىلىپ وتىرۋى كەرەك. ول ءۇشىن ۇنەمى كىتاپ وقۋعا تىرىسامىن. ءوزىم برايل قارپىندەگى شىڭ­عىس ايتماتوۆتىڭ ء«جاميلا», سەيىتجان وماروۆتىڭ ء«ومىر تىنىسى», شەرحان مۇرتازا­نىڭ «جۇلدىز كوپىر», سوفى سما­تاەۆتىڭ «ەلىم-اي» شىعار­مالارىن وقىپ شىقتىم. كىتاپحا­نانىڭ بۇل ارنايى ءبولىمى ءبىزدىڭ رۋحاني شاڭىراعىمىز ىسپەتتى», دەيدى ش.سماعۇلوۆا.

جەتىسۋ وبلىسىنىڭ س.سەي­فۋللين اتىنداعى ورتالىق كى­تاپحاناسىنىڭ «زاعيپ جانە ناشار كورەتىن ازاماتتارعا ار­نال­عان بولىمىندە 30 281 كىتاپ قورى بار. ونىڭ 6 500-گە جۋىعى – نۇكتەلى بەدەرلى كىتاپ, 3 300-دەيى – دى­بىستالعان ادەبي كاسسەتا, 1 098-ءى – ەلەكتروندى (اۋديوديسك) كىتاپ.

جەتىسۋ وبلىسى