ەكىباستۇزداعى جىلۋ-ەلەكتر ورتالىعىنىڭ قازىرگى جاعدايى قالىپتى. بىلتىر الا جازداي جۇرگىزىلگەن جوندەۋ جۇمىستارى ناتيجە بەرىپ, قازىرگى كۇنى قازاندىقتار مەن وزگە دە اگرەگاتتار ىركىلىسسىز ىستەپ تۇر.
«ەكىباستۇز جىلۋ-ەنەرگو» جشس-دا 2022 جىلدىڭ قاراشا ايىنىڭ سوڭىندا بولعان اپاتتان سوڭ بيىل قىستا ستانسا قالانى تاعى توڭدىرىپ الماي ما دەگەن وتكىر ماسەلە تۋىنداعانى راس. دەيتۇرعانمەن وتكەن جىلۋ ماۋسىمى توقتاعان ساتتەن باستاپ ستانسا مەن قالا ىشىندەگى جىلۋ جۇيەلەرىندە كەڭ اۋقىمدى جوندەۋ جۇمىستارى قولعا الىندى. ستانسانىڭ وزىندە نەگىزگى 10 جابدىعى, اتاپ ايتقاندا, 8 قازاندىق كۇردەلى جوندەۋدەن وتسە, تاعى ەكەۋىنە اعىمداعى جوندەۋ جۇرگىزىلدى.
– قازىرگى ۋاقىتتا قازاندىق اگرەگاتتارىنان شىعاتىن جىلۋ تاسىمالداعىشتاردىڭ تەمپەراتۋراسى نورماعا ساي. ستانسا تولىق جۇكتەمەمەن جۇمىس ىستەپ, قاجەتتى پارامەترلەرگە شىقتى. ورتالىقتىڭ قويمالارىندا 48 مىڭ توننا كومىر مەن 300 توننا مازۋت بار. بۇل كولەم ءنورماتيۆتى قورداعىدان جوعارى, – دەيدى وڭىرلىك ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ مىندەتىن اتقارۋشى كۇلبارشىن ارىنوۆا.
ايتىپ وتەيىك, بىلتىر جەلتوقسان ايىندا ارقاعا كەلىپ جەتكەن العاشقى ايازدا ەكىباستۇزدىڭ جىلۋ-ەنەرگيا ورتالىعى سىر بەردى. كاسىپورىنداعى سۋ جىلىتۋ اگرەگاتتارىنداعى كۇلدى شايۋعا ارنالعان سۋ قۇبىرىنا زاقىم كەلىپ, ەكىنشى تسەحتاعى باگەر سورعىسى سۋ استىندا قالعان. سالدارىنان جىلۋ پارامەترلەرى تومەندەپ, شاھار حالقى ۇيلەرىنىڭ سالقىنداپ كەتكەنىنە شاعىمدانعان ەدى. ول كەمشىلىكتەردىڭ بارلىعى جويىلعان. ستانسا باسشىلىعى الداعى ايازدى كۇندەرگە شىداس بەرەمىز دەپ وتىر.
بىلتىر ەكىباستۇز بويىنشا جالپى ۇزىندىعى 50 271 مەتر جىلۋ قۇبىرىنىڭ وقشاۋلاعىشتارى قالپىنا كەلتىرىلگەن. بۇل ءىس-شارانى كاسىپورىن قىزمەتكەرلەرى ءالى دە جالعاستىرىپ جاتىر. قاڭتار ايىنىڭ باسىنان جالپى ۇزىندىعى 413 مەتر قۇبىر ارنايى ماتەريالدارمەن قاپتالعان.
پاۆلودار وبلىسى,
ەكىباستۇز قالاسى