قاڭتاردىڭ 5-18 كۇندەرى ارالىعىندا يندونەزيا استاناسى دجاكارتادا نىسانا كوزدەۋدەن ءوتىپ جاتقان ليتسەنزيالىق ازيا چەمپيوناتىنىڭ كەزەكتى كۇنىندە 4 جۇلدە بۇيىردى, دەپ حابارلايدى Egemen.kz @qaz_olympics ءباسپاسوز قىزمەتىنە سىلتەمە جاساپ.
ۆينتوۆكامەن 50 مەترلىك قاشىقتىقتان جاتىپ اتۋ سايىسىندا ارينا التۋحوۆا, ەليزاۆەتا بەزرۋكوۆا, الەكساندرا لەدەن جاساقتالعان قۇراما قارسىلاس شاق كەلتىرمەدى. ءدال وسى سايىستىڭ جەكە باسەكەسىندە ارينا التۋحوۆا 626,8 ۇپايمەن چەمپيون اتانىپ, التىننان القا تاقتى. ال الەكساندرا لە 618,4 ۇپايمەن قولا جۇلدە الدى. 25 مەترلىك قاشىقتىقتان ستاندارتتى تاپانشامەن اتۋ سايىسىندا نيكيتا چيريۋكين 568 ۇپايمەن قورجىنعا كەزەكتى قولا مەدال سالدى. ازىرشە قازاقستان قورجىنىندا 3 التىن, 1 كۇمىس, 2 قولا بار.