تۇركيانىڭ پرەزيدەنتتىك كوممۋنيكاتسيالار باسقارماسى گازا بالالارىنىڭ 266 تۋىندىسى ءۇشىن «وق وتپەيتىن ارماندار: گازا بالالار سۋرەتشىلەرى» كورمەسىن ۇيىمداستىردى, دەپ حابارلايدى Egemen.kz.
گازاداعى تراگەدياعا بالالاردىڭ كوزىمەن نازار اۋدارۋدى ماقسات ەتكەن كورمەنى تۇركيا پرەزيدەنتى رەجەپ تايىپ ەردوعاننىڭ جۇبايى ەمينە ەردوعان مەن پرەزيدەنتتىك كوممۋنيكاتسيالار ديرەكتورى فاحرەتتين التۋن سالتاناتتى تۇردە لەنتا اشىپ, تۋىندىلاردى تاماشالادى.
كورمەنىڭ ۇيىمداستىرىلۋىنا جۋرناليست جانە بەلسەندى ابدۋللاح ايتەكين سەبەپشى بولعان كورىنەدى. ول 2008 جىلى يزرايل ۇيىمداستىرعان «قۇيىلعان قورعاسىن وپەراتسياسىندا» وتباسىنان 26 مۇشەسىن جوعالتقان مونا ەسىمدى پالەستينالىق قىزدىڭ سۋرەتتەرىنەن شابىتتانىپ ايماقتاعى مەكتەپتەرگە قاعاز, قارىنداش جانە بوياۋ ماتەريالدارىن تاراتۋدى قولعا الدى. ونىڭ ماقساتى بالالارعا گازاداعى ومىرلەرىن جانە ولار كۋا بولعاندارىن جازۋعا مۇمكىندىك بەرۋ جانە وسى كۋالىكتەردى قۇجاتتاۋ بولعان. 2008 جىلدان بەرى ايتەكيننىڭ قامقورلىعىندا بولعان بۇل تۋىندىلار «وق وتپەيتىن ارماندار: گازا سۋرەتشىلەرىنىڭ كورمەسىمەن» كەلۋشىلەردىڭ نازارىنا ۇسىنىلىپ وتىر.