مەملەكەت باسشىسى قاسىم-جومارت توقاەۆتىڭ جەر ماسەلەلەرى بويىنشا تەكسەرۋ جۇرگىزۋگە بەرگەن تاپسىرماسىنا سايكەس جامبىل وبلىسىندا وسى باعىتتاعى جۇمىستار قارقىندى جۇزەگە اسىپ كەلەدى. وتكەن جىلى وبلىستا بوس جاتقان 201,2 مىڭ گا جەر مەملەكەت مەنشىگىنە قايتارىلدى, دەپ حابارلايدى Egemen.kz جامبىل وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.
«جەر قاتىناستارى باسقارماسىنىڭ مالىمەتىنشە, بىلتىر وڭىرىمىزدە پايدالانىلماي جاتقان 201,2 مىڭ گەكتار جەر مەملەكەت مەنشىگىنە قايتارىلىپ, تاپسىرما ءتيىستى دەڭگەيدە ورىندالعان. بۇل القاپتار بۇعان دەيىن 530 تۇلعانىڭ يەلىگىندە بولعان», دەلىنگەن اكىمدىك حابارلاماسىندا.
مەملەكەت مەنشىگىنە وتكەن 41860,7 گەكتارى مويىنقۇم اۋدانىنان, 31591,6 گەكتارى سارىسۋ اۋدانىنان قايتارىلسا, ودان كەيىنگى جەر القاپتارى بايزاق, جامبىل, مەركى, ت.رىسقۇلوۆ, جۋالى, قورداي, تالاس جانە شۋ اۋداندارىنا تيەسىلى.
بيىل وبلىستا شامامەن 80 مىڭعا جۋىق جەر مەملەكەت مەنشىگىنە قايتارىلادى دەگەن جوسپار بار.