ستراتەگيالىق زەرتتەۋ: باعىت پەن باعدار

جيىندا ينستيتۋتتىڭ بيىلعا جوسپارلانعان تالداۋ جۇمىسىنىڭ نەگىزگى باعىتتارى مەن ماڭىزدى ءىس-شارالارى تالقىلاندى. اتاپ ايتقاندا, قسزي ەل دامۋىنىڭ ىشكى ساياسي ۇدەرىستەرى مەن ەكونوميكالىق ۇردىستەرىن زەرتتەۋگە, سونداي-اق سىرتقى ساياسي احۋالدى باعامداۋعا باسا ءمان بەرەدى.

ءوز كەزەگىندە مەملەكەتتىك كەڭەسشى ينستيتۋتتىڭ الداعى ۋاقىتتا اتقاراتىن مىندەتتەرىنە توقتالىپ, پرەزيدەنت قاسىم-جومارت توقاەۆ قاڭتار ايىنىڭ باسىندا «Egemen Qazaqstan» گازەتىنە بەرگەن سۇحباتىندا مەملەكەتتىك ساياساتتىڭ نەگىزگى باعىت-باعدارىن ايقىنداعانىن اتاپ ءوتتى. سوندىقتان قازاقستاننىڭ ستراتەگيالىق زەرتتەۋلەر ينستيتۋتى باستى تالداۋ ورتالىعى رەتىندە جۇزەگە اسىرىلىپ جاتقان مەملەكەتتىك ساياساتتى ساراپتامالىق-تالدامالىق تۇرعىدان قامتاماسىز ەتۋ ىسىنە بەلسەنە اتسالىسۋى كەرەك.

بۇدان بولەك, ەرلان قارين ينستيتۋتتىڭ ايماقتارداعى ساراپشىلار قاۋىمداستىعىمەن قارىم-قاتىناستى نىعايتۋعا, جاس ساراپشىلاردى قولداۋعا, حالىقارالىق ىنتىماقتاستىقتى تەرەڭدەتۋگە, سونىڭ ىشىندە «Central Asia’s Affairs» جۋرنالىن بىرلەسىپ ازىرلەۋگە قاتىستى جوسپارلارى مەن باستامالارىنا وڭ باعا بەردى.