2024 جىلدىڭ قاڭتارى الماتى تۇرعىندارى ءۇشىن وتە جىلى جانە قارسىز بولدى. فوتوگراف دميتري دوتسەنكو قىس مەزگىلىندەگى كوكتەمگى گۇلدەردىڭ سۋرەتتەرىن جاريالادى, دەپ حابارلايدى Egemen.kz.
ۆيدەونى فوتوگراف ءوزىنىڭ Instagram پاراقشاسىندا جاريالادى.
«قىس ورتاسى. 9 قاڭتاردا الماتىدا بايشەشەك گۇلدەدى. مەن جەلتوقساندا گۇلدەردىڭ ءبۇر جارىپ جاتقانىن تۇسىرگەنمىن, ولار قاڭتاردا گۇلدەدى. ادەتتە ولار اقپان ايىندا گۇلدەۋشى ەدى», دەپ جازدى فوتوگراف.
سونداي-اق ول الماتىنىڭ تاڭعاجايىپ قالا ەكەنىن اتاپ ءوتتى.
«گۇلدەر ءبىزدى قىس بويى قۋانتقالى وتىر. تاۋ بوكتەرىندە الاتاۋ شافرانى, ال قالا ماڭىنداعى باقتاردا گالانتۋستار پايدا بولدى. الماتى − عاجايىپ قالا», دەپ جازدى د.دوتسەنكو.