ايەلىن سوققىعا جىققان ءانشى ەسكەرتۋ الدى

بۇگىن الماتى قالاسىنىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتى راحات تۇرلىحانوۆقا قاتىستى زورلىق-زومبىلىق جاساۋ فاكتىسى بويىنشا ءىستى قارادى.

ءىس ماتەريالدارىنان 2023 جىلعى جەلتوقسان ايىندا تۇرلىحانوۆ ۇيىندە جانجال شىعارىپ, ايەلىن سوققىعا جىققانى انىقتالدى.

سوت وتىرىسى بارىسىندا تۇرلىحانوۆ ءوز كىناسىن مويىنداپ, ىستەگەن ىسىنە وكىنگەنىن العا تارتتى. تيىسىنشە قوس تاراپ تاتۋلاسقانى بەلگىلى بولدى. بۇنى ايەلى دە راستادى.

زاڭ تالابىنا سايكەس, دالىرەك ايتقاندا اكىمشىلىك قۇقىق بۇزۋشىلىق تۋرالى كودەكسىنىڭ 73-2 بابى (1-1 ب.) بويىنشا جاۋاپتى تۇلعاعا ەسكەرتۋ جاسالادى نەمەسە 10 تاۋلىككە اكىمشىلىك قاماققا الىنادى. تۇرلىحانوۆ سوت قاۋلىسىمەن اكىمشىلىك قۇقىق بۇزۋشىلىق تۋرالى كودەكسىنىڭ 73-2-بابى 1-1-بولىگى بويىنشا اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلىپ, وعان ەسكەرتۋ بەرىلدى.

سوت قاۋلىسى زاڭدى كۇشىنە ەنگەن جوق.