پوليتسيا قىزمەتكەرلەرى جامبىل وبلىسى بايزاق اۋدانىندا ەسىرتكى زاتتارىن زاڭسىز ساقتادى دەگەن كۇدىككە ىلىنگەن جەرگىلىكتى تۇرعىندى ۇستادى, دەپ حابارلايدى Egemen.kz رolisia.kz-كە سىلتەمە جاساپ.
25 جاستاعى تۇرعىن ءوزى مالشى بولىپ جۇمىس ىستەيتىن شارۋا قوجالىعىنا جاقىن ماڭدا ءىرى كولەمدە ەسىرتكى جاسىرعان.
«اۋماقتى تەكسەرۋ بارىسىندا پاكەتتەرگە سالىنعان 2,8 كەلى كەپتىرىلگەن ماريحۋانانى جاسىرعان ورىن تابىلدى. كۇدىكتى تيىم سالىنعان زاتتى ءوزى تۇتىنۋ ءۇشىن جيناعانىن ايتتى. ساراپتاما قورىتىندىسى بويىنشا ەر ادام ۇستالعان ساتتە ەسىرتكىگە ماس كۇيدە بولدى.
«ۇستالعان ازامات كىناسىن مويىندادى. قازىرگى ۋاقىتتا ەسىرتكى قۇرالدارىن اسا ءىرى مولشەردە زاڭسىز ساقتاۋ دەرەگى بويىنشا سوتقا دەيىنگى تەرگەۋ امالى باستالدى», دەدى جامبىل وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى ءالىم باجىقباەۆ.