جامبىل وبلىسىندا زيراتتاعى قابىر قورشاۋىن ۇرلاعان ورتا جاستاعى ەكى ەر ادام ۇستالدى, دەپ حابارلايدى Egemen.kz Polizia.kz سايتىنا سىلتەمە جاساپ.
جامبىل اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورلارى اۋماقتى پاترۋلدەۋ جۇمىسى بارىسىندا 31 جانە 34 جاستاعى تاراز تۇرعىندارىن ۇستاعان.
اتالعان سايتتىڭ دەرەگى بويىنشا قىلمىس ۇستىندە قولعا تۇسكەندەر قورشاۋلاردى بۇزىپ, مەتالدارىن ۇرلاماق بولعان.
حابارلامادا: «بەيىتتەردى اقشا ءۇشىن تالقانداپ, قورشاۋلارىن بولشەكتەپ, تەمىرگە وتكىزۋدى جوسپارلاعانىن مويىندادى. ولاردىڭ Volkswagen Golf-3 جانە ۆاز-2109 كولىكتەرىنىڭ جۇك سالعىشىنان قابىر قورشاۋلارىنىڭ بولىكتەرى جانە ارنايى بۇزاتىن جابدىق تابىلدى», دەلىنگەن.
اتالعان دەرەككە قاتىستى سوتقا دەيىنگى تەرگەۋ امالدارى جۇرگىزىلىپ, ۇستالعانداردىڭ وسىعان ۇقساس باسقا دا قىلمىستارعا قاتىستىلىعى تەكسەرىلىپ جاتىر.