ەلوردانىڭ كوممۋنالدىق قىزمەتكەرلەرى تاۋلىك بويى كۇشەيتىلگەن رەجيمدە جۇمىس ىستەپ جاتىر. كۇندىزگى اۋىسىمدا كوشەلەردىڭ قارىن تازارتۋعا 1700-دەن استام ارنايى تەحنيكا مەن 2500-گە جۋىق جول جۇمىسشى شىقتى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ەڭ الدىمەن جولداردا كەپتەلىس بولماس ءۇشىن قوزعالىسى وتە قارقىندى كوشەلەر تازارتىلادى. بۇدان سوڭ قارقىندىلىعى ورتاشا ۋچاسكەلەر – الاڭدار, ۆوكزال ماڭى اۋماعى, تروتۋارلار, الەۋمەتتىك نىساندارعا كىرمە جولدار قاردان تازارتىلاتىن بولادى.
استانادا 7-8 قاڭتار ارالىعىندا 37 مىڭ تەكشە مەتردەن استام قار شىعارىلدى, بۇل 2802 جۇك رەيسىن قۇرايدى. ال جالپى قىس باستالعالى بەرى ەلوردادا 1 436 205 تەكشە مەتر قار شىعارىلعان.
«قازگيدرومەت» رمك حابارلاۋىنشا, استانادا 8 قاڭتار كۇنى قالىڭ قار جاۋىپ, كەي ۋاقىتتا بوران سوعادى. وڭتۇستىك-باتىستان 9-14, ەكپىنى 15-20 م/س جەل سوعادى, تۇندە جانە كۇندىز 0-2 گرادۋس اياز بولادى.