جاپونيادا 1 قاڭتاردان بەرى جالعاسىپ كەلە جاتقان جەر سىلكىنىسىنەن قازا تاپقانداردىڭ سانى 161-گە جەتتى, دەپ حابارلايدى Egemen.kz تاسس-قا سىلتەمە جاساپ.
سوڭعى مالىمەت بويىنشا, تابيعي اپات سالدارىنان 560 ادام زارداپ شەكتى. توتەنشە جاعدايلار قىزمەتى 195 تۇرعىندى تابا الماي وتىر.
اپات ايماعىندا ىزدەۋ-قۇتقارۋ جۇمىستارى جالعاسىپ جاتىر. قۇتقارۋشىلار 6 قاڭتاردا ءۇيىندى استىنان 90 جاستاعى جەرگىلىكتى تۇرعىندى الىپ شىقتى.
ايتا كەتەيىك, جاپونيادا 1 قاڭتار كۇنى بىرنەشە كۇشتى جەر سىلكىنىسى بولدى. قازاقستان پرەزيدەنتى قاسىم-جومارت توقاەۆ جاپونيا پرەمەر-ءمينيسترى فۋميو كيشيداعا كوڭىل ايتۋ جەدەلحاتىن جولدادى.