Transfermarkt فۋتبول پورتالى ەلىمىزدەگى ەڭ قىمبات اياق دوپ شەبەرلىگىنىڭ اتى-ءجونىن جاريالادى, دەپ جازادى Egemen.kz.
ءتىزىمنىڭ كوش باسىندا قازاقستان ۇلتتىق قۇراماسى مەن شىمكەنتتىك «ورداباسى» كلۋبىنىڭ كاپيتانى, جارتىلاي قورعاۋشى اسحات تاعىبەرگەن تۇر. ونىڭ باعاسى - 900 مىڭ ەۋرو. ەكىنشى ورىندا 800 مىڭ ەۋروعا باعالانعان «اقتوبە» فۋتبول كلۋبىنىڭ ويىنشىسى ماكسيم سامورودوۆ.
ۇلتتىق قۇراما شابۋىلشىسى, «استانا» ساپىنداعى ابات ايىمبەتوۆ 800 مىڭ, «ورداباسى» كلۋبىنىڭ فۋتبولشىسى تەمىرلان ەرلانوۆ 700 مىڭ ەۋروعا باعالانعان.
ال باعاسى 600 مىڭ ەۋرو دەپ كورسەتىلگەن فۋتبولشىلار تىزىمىنە يگور شاتسكي («اقتوبە»), ارتۋر شۋشەناچەۆ («قايرات»), الىبەك قاسىم («اقتوبە»), بەكحان شايزادا مەن سەرگەي مالىي («ورداباسى») ەنەدى.