اباي وبلىسىندا بەنزين تسيستەرناسى ورتەندى. ءورت سوندىرۋشىلەر مەن پوليتسەيلەر بەنزين تسيستەرناسىنىڭ جارىلۋ قاۋپىنىڭ الدىن الدى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
5 قاڭتار كۇنى كەشكە اياگوز اۋداندىق پوليتسيا بولىمىنە 42 جاستاعى جەرگىلىكتى تۇرعىننان اقتوعاي اۋىلىندا كاماز اۆتوتسيستەرناسىنىڭ ورتەنگەنى تۋرالى حابارلاما كەلىپ تۇسكەن.
قاۋىپتى ايماق قورشاۋعا الىنىپ, جاقىن ماڭداعى ۇيلەردىڭ 52 تۇرعىنى ەۆاكۋاتسيالاندى, ونىڭ 20-سى بالالار.
جانارماي تسيستەرناسىندا 20 توننا جانارماي بولعان, سوندىقتان تسيستەرنانىڭ جارىلۋ قاۋپى بار ەكەنى انىقتالدى. جانارماي قۇيىلعان اۆتوتسيستەرنانىڭ ءورتىن ءسوندىرۋ ءۇشىن كوبىك شابۋىلى قولدانىلدى.
ءورت ساعات 20:30-دا ءسوندىرىلدى. قۇرباندار مەن زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر.
«قاۋىپ جاعدايىندا بىرلەسكەن كۇش-جىگەرى, سونىمەن بىرگە قابىلدانعان دۇرىس شەشىم مەن ارەكەتتەر ۋاكىلەتتى ورگاندار قىزمەتكەرلەرىنىڭ جالىندى اۋىزدىقتاۋىنا كومەكتەستى», دەلىنگەن حابارلامادا.