اۋەلبەك جۇرتىنىڭ قۋانىشى

اۋىل ادامدارى بارىنەن بۇرىن دارىگەرلىك امبۋلاتوريانىڭ جاڭار­­تىلعانىنا ءماز. ەسكى عي­ما­­راتتى تولىقتاي جون­دەۋگە, مە­دي­تسينالىق قۇرال-جابدىق­تارمەن جابدىقتاۋعا وبلىس بيۋد­جەتىنەن 81 ملن تەڭگە ءبو­لى­نىپتى. مەردىگەر «ۆينترەيد» كومپانياسى بارلىق جۇمىستاردى ۋاقتىلى اياقتاپ, جىل سوڭىندا حالىق يگىلىگىنە تاپسىردى.

اۋداندىق اۋرۋحانانىڭ باس دارىگەرىنىڭ مىندەتىن اتقارۋشى باقىتگۇل قابجاپاروۆانىڭ ايتۋىنشا, بيىل اتالعان ءوڭىر بويىنشا جالاۋلى, مۇتكەنوۆ, اۋەلبەك اۋىلدارىنداعى دارىگەرلىك امبۋلاتوريالار جاڭارتىلعان. ءارى ەمدەۋ مەكەمەلەرىنە جاڭادان جەدەل جاردەم كولىكتەرى دە ساتىپ الىنىپتى.

– ەسكى عيمارات بولعاندىقتان, اۋەلبەكتەگى امبۋلاتوريانى تو­لىقتاي جوندەۋگە تۋرا كەلدى. تەك قابىرعالارى عانا قالىپ, وزگە بولىكتەرى تولىقتاي اۋىستى­رىل­دى. جاڭادان جيھازدار, مەديتسينالىق قۇرالدار جەتكىزىلدى. بۇدان بىلاي اۋىل ادامدارى اۋىرا قالسا ەمدەۋ ءىس-شارالارىنان سوڭ في­زيوكابينەتىنە كەلىپ, وڭال­تۋ پرو­تسەدۋراسىنان وتە الا­دى. جاڭا كابينەتتە بارلىق جاعداي قاراس­تىرىلعان, – دەيدى اق جە­لەڭدى.

نەگىزى اۋەلبەكتەگى ەمدەۋ مەكەمەسى وتەس, قاراوبا, جاڭ­اۋىل, يسانتەرەك اۋىل­دا­رىن­داعى مەديتسينالىق پۋنكت­تەردى بىرىكتىرەدى. ياعني اتالعان ەلدى مەكەندەردىڭ حالقى مۇندا كەلىپ ەمدەلە الادى دەگەن ءسوز. مەديتسينالىق ۇيىمدا ەڭبەك ءوتىلى 30 جىلدان اساتىن دارىگەر بايان تەمىربولاتقىزى مەن ەكى مەديتسينالىق قىزمەتكەر تۇراقتى قىزمەت كورسەتەدى. سوڭعى ەكەۋى بيىل كوشى-قون باعدارلاماسى اياسىندا وڭتۇستىكتەن قونىس اۋدا­رىپ كەلىپتى. اۋماق بويىن­شا 1400 تۇرعىن دارىگەرلىك امبۋلا­توريانىڭ كومەگىنە جۇگىنە الادى.

بۇل كۇنى اۋىلدا جوندەۋدەن وتكەن مادەنيەت ءۇيى دە تۇساۋىن كەستى. ونىڭ جوندەۋىنە قازىنادان 156 ملن تەڭگە جۇمسالعان. عيما­­راتتىڭ ەسىك-تەرەزەسى, باس­پال­داق­تارى, جىلۋ جۇيەسى تولىقتاي جا­ڭاردى. نىساننىڭ ءبىرىنشى قا­باتىندا ۆولەيبول, باسكەتبول, شاعىن فۋتبول وينايتىن سپورت زال­دارى قاراستىرىلعان. ال ەكىنشى قاباتىندا 80 ورىندىق كونتسەرت زالى, كىتاپحانا, ارداگەرلەر كلۋبى, كلۋب قىزمەتكەرلەرى مەن دومبىرا كابينەتى, سونداي-اق دومبىرا كوۆوركينگ ورتالىعى ورنالاسقان.

پاۆلودار وبلىسى,

اقتوعاي اۋدانى,

اۋەلبەك اۋىلى