28 جەلتوقساندا مەكتەپ باسشىلىعى تالدىقورعان قالالىق پوليتسيا ءبولىمىن بىرنەشە ايدان بەرى ساباققا قاتىسپاعان 14 جاستاعى وقۋشى قىزدىڭ جوعالىپ كەتكەنى تۋرالى حاباردار ەتكەن, دەپ جازادى Egemen.kz.
ىزدەۋ جۇمىسىمەن اينالىسىپ جاتقان تالدىقورعان قالالىق پوليتسيا قىزمەتكەرلەرى: «جوعالۋىنىڭ تولىق ءمان-جايى انىقتالىپ جاتىر. ىزدەستىرۋ شارالارىنا جەتىسۋ وبلىستىق دەپارتامەنتتىڭ ىزدەستىرۋ ءبولىمىنىڭ جەدەل ۋاكىلدەرى جانە تاقاۋ ورنالاسقان اۋدانداردىڭ پوليتسەيلەرى دە تارتىلعان», دەپ حابارلادى ينستاگرام پاراقشاسىندا.
كامەلەتكە تولماعان قىزدىڭ اتا-اناسىنان, تۋىستارىنان, جاقىندارىنان جاۋاپ الىنىپ, بەينەباقىلاۋ كامەرالارى قارالىپ, تاكسي ايالدامالارى تەكسەرىلىپ, سونىمەن قوسا, تەز ارادا تابۋعا باعىتتالعان باسقا دا جۇمىستار جۇرگىزىلىپ جاتىر.