ەلارالىق ماڭىزدى جوبا

ر.سكليار ەلىمىزدىڭ قحر-مەن, اتاپ ايتقاندا, قىتاي ۇلتتىق مۇ­ناي-گاز كورپوراتسياسىمەن سترا­تە­گيا­لىق ارىپتەستىگىنىڭ ماڭى­زىن اتاپ ءوتتى. CNPC – الەم­دەگى ەڭ ءىرى مۇناي كومپانيا­لارى­نىڭ ءبىرى, سونداي-اق قازاق­ستاننىڭ بۇرىن­نان كەلە جاتقان سترا­تەگيالىق جانە ينۆەستيتسيالىق سەرىكتەسى.

حوۋ تسيتسزيۋن ءوز كەزەگىندە CNPC قازاقستانمەن ىنتىماق­تاس­تىققا ۇلكەن ءمان بەرەتىنىن اتاپ ءوتتى. ەكى مەملەكەت باسشىلارى قول جەتكىزگەن ماڭىزدى ۋاعدالاستىقتاردى باسشىلىققا الا وتىرىپ, كومپانيا ەنەرگەتيكا سالاسىنداعى ەكىجاقتى ءوزارا ءىس-قيمىلدىڭ اۋقىمىن كەڭەيتۋگە جانە قىتاي-قازاقستان كەشەندى ستراتەگيالىق ارىپتەستىگىنىڭ تەرەڭ دامۋىنا ۇلەس قوسۋعا ۇمتىلادى.

قازاقستان ۇكىمەتى بيىلعى مامىر ايىندا قازاقستان پرەزيدەنتى قاسىم-جومارت توقاەۆتىڭ قحر-عا مەملەكەتتىك ساپارى كەزىندە ەنەرگەتيكا مينيسترلىگى مەن CNPC اراسىندا جاسالعان ەنەرگەتيكا سالاسىنداعى ستراتەگيالىق ىنتىماقتاستىقتى كەڭەيتۋ تۋرالى نەگىزدەمەلىك كەلىسىم اياسىنداعى ناقتى جوبالار بويىنشا تىعىز جۇمىس ىستەپ جاتىر.

شىمكەنت ءموز-ءدىڭ وندى­رىستىك قۋاتىن كەڭەيتۋ, «بەينەۋ – بوزوي – شىمكەنت» گاز قۇبى­رىنىڭ ەكىنشى جەلىسىن سالۋ, بىر­لەسكەن گەولوگيالىق بارلاۋ جانە ت.ب. ماسەلەلەر پىسىقتالىپ جاتىر. تاراپتار كوپتەگەن باعىت بويىنشا وڭ ناتيجە بار ەكەنىن اتاپ ءوتتى. ۇكىمەت تاراپىنان وسى جوبالاردى ءتيىمدى تۇردە ىسكە اسىرۋ ءۇشىن بارلىق قاجەتتى شارا قابىلداناتىن بولادى.

سونداي-اق ىنتىماقتاستىقتى نىعايتۋ اياسىندا رومان سكليار مەن CNPC باسشىسى حوۋ تسيتسز­يۋن وسىنداي كەزدەسۋلەردى تۇراق­تى نەگىزدە وتكىزىپ وتىرۋعا كەلىستى.