جاڭا جىل مەرەكەسىنە وراي قوستاناي وبلىسىندا «جاڭا جىل – جاقسىلىق مەزەتى» اكتسياسى ءوتتى, دەپ حابارلايدى Egemen.kz.
«جاستار سارايىندا» «امانات» دامۋ ەرەكشەلىگى بار بالالاردى تۇزەتۋ ورتالىعىنىڭ ءبىلىم الۋشىلارى ء ۇشىن عاجايىپ كەش ءوتتى. مۇمكىندىگى شەكتەۋلى بالالارعا مەرەكەلىك كوڭىل-كۇي سىيلاعان سالتاناتتى ءىس-شارانى قوستاناي وبلىستىق جاستار رەسۋرستىق ورتالىعىنىڭ قولداۋىمەن ەرىكتىلەردىڭ فرونت-ءوفيسى ۇيىمداستىردى.
داۋن سيندورمى, اۋتيزمگە شالدىققان مۇمكىندىگى شەكتەۋلى جەتكىنشەكتەر ارتيستەردىڭ تاڭعاجايىپ ونەرىن تاماشالاپ, شەبەرلىكتەرىنە ءتانتى بولدى. اياز اتا, اقشا قار ونەرلى بالالارعا سىيلىقتار ۇلەستىرىپ مەرەيىن تاسىتتى. ۇكىمەتتىك ەمەس ۇيىمداردىڭ ەرىكتىلەرى وبلىستىق بالالار ءۇيى مەن «وتباسىن بەيىمدەۋ جانە قولداۋ ورتالىعى» كمم تاربيەلەنۋشىلەرىنە دە مەرەكەلىك ءىس-شارا وتكىزدى.
سونىمەن بىرگە «جاستار رۋحى» جاستار قاناتىنىڭ بەلسەندىلەرى «كامەلەتكە تولماعانداردى ۋاقىتشا وقشاۋلاۋ, بەيىمدەۋ جانە وڭالتۋ ورتالىعى» مەن «قوستانايدا ومىرلىك قيىن جاعدايعا تاپ بولعان بالالاردى قولداۋ ورتالىعىنداعى» تاربيەلەنۋشىلەردى جاڭا جىل مەرەكەسىمەن قۇتتىقتاپ, سىيلىقتار ۇلەستىردى.
قوستاناي وبلىسىنىڭ ەرىكتىلەرى جاڭا جىل قارساڭىندا 1500-دەن اسا بالانى قامتىعان 46 مەرەكەلىك اكتسيا ۇيىمداستىردى.