تاياۋدا «قازاقستاننىڭ دامۋ بانكى» اق «جاسىل» وبليگاتسيالارىن «استانا» حالىقارالىق قارجى ورتالىعىنىڭ AIX بيرجاسىندا ورنالاستىرۋ سالتاناتتى ءراسىمى ءوتتى. ءىس-شاراعا «بايتەرەك» ۇبح» اق باسقارما توراعاسىنىڭ ورىنباسارى بوتاگوز ابىشەۆا مەن قدب باسقارما توراعاسى مارات ەلىباەۆ قاتىستى.
بۇگىندەرى باعالى قاعازداردى شىعارۋ كولەمى 15 ملن دوللاردى قۇراپ, ساۋدا-ساتتىق قورىتىندىسى بويىنشا كۋپوندىق مولشەرلەمە جارتى جىلدا ءبىر رەت كۋپوندىق سىياقى تولەي وتىرىپ, 5,65% دەڭگەيىندە ايقىندالدى.
ءىس-شارادا «بايتەرەك» ۇلتتىق بيزنەس حولدينگى توراعاسىنىڭ ورىنباسارى بوتاگوز ابىشەۆا: «ەلىمىزدىڭ پرەزيدەنتى جاريالاعان 2060 جىلعا قاراي كومىرتەگى بەيتاراپتىعىنا قول جەتكىزۋ جونىندەگى جوسپارلاردى جانە ESG قاعيداتتارىن ەنگىزۋدىڭ جالپى ترەندىن ەسكەرە وتىرىپ, «بايتەرەك» جاڭارتىلاتىن ەنەرگەتيكا, ەنەرگيا تيىمدىلىگىن ارتتىرۋ مەن قولدانىستاعى ەنەرگەتيكالىق ينفراقۇرىلىمدى جاڭعىرتۋعا كىرەتىن «جاسىل» جوبالاردى قولداۋعا ەرەكشە نازار اۋدارىپ وتىر. بۇگىنگى «جاسىل» وبليگاتسيالاردى ورنالاستىرۋ ەلىمىزدەگى جاڭارتىلعان ەنەرگيا كوزدەرىن دامۋ جولىنداعى تاعى ءبىر قادام بولدى», دەيدى.
AIX بيرجاسىندا ورنالاستىرىلعان بارلىق وبليگاتسيانى نارىق قاتىسۋشىلارى تولىق كولەمدە ساتىپ الدى. بۇل رەتتە ينۆەستورلار تاراپىنان جاريالانعان ورنالاستىرۋ كولەمىنە سۇرانىس 122,7 %-دى قۇرايدى.
«قازاقستاننىڭ دامۋ بانكى» اق باسقارما توراعاسى مارات ەلىباەۆ:«قدب ESG قاعيداتتارىن ءوز جۇمىسى مەن قارىز الۋشىلارىنىڭ قىزمەتىنە, ونىڭ ىشىندە ەلىمىزدە «جاسىل» ەكونوميكانى دامىتۋ ءۇشىن تۇراقتى قارجىلاندىرۋ قۇرالدارىن ەنگىزۋ ارقىلى بەلسەندى تۇردە ىسكە اسىرىپ كەلەدى. وبليگاتسيالاردى ورنالاستىرۋ ءۇشىن ورتالىق ازيادا العاش رەت Climate Bonds Initiative حالىقارالىق ستاندارتقا سايكەس سەرتيفيكات الىنعانى ماڭىزدى», دەيدى.
Climate Bonds Initiative (CBI) سەرتيفيكاتى «استانا» حالىقارالىق قارجى ورتالىعىنىڭ Green Finance Center سەرىكتەستىگىمەن الىنعانىن اتاي وتىرىپ, كليماتتىق وبليگاتسيالاردىڭ الەمدىك ستاندارتىندا باعالى قاعازداردىڭ ساي ەكەنىن كورسەتەدى. وسىلايشا, دامۋ بانكىنىڭ وبليگاتسيالارى CBI حالىقارالىق ستاندارتتارى بويىنشا سەرتيفيكات العان ورتالىق ازيا كەڭىستىگىندەگى قارجى ينستيتۋتتارى اراسىنداعى بورىشتىق كاپيتال نارىعىنداعى العاشقى مامىلە بولدى.
ورنالاستىرۋ ناتيجەسىندە الىنعان قاراجات ەلدەگى جاڭارتىلاتىن ەنەرگەتيكا سالاسىنداعى جوبانى قارجىلاندىرۋعا باعىتتالادى. تاڭداۋ جاڭارتىلاتىن كوزدەردەگى ءۇش جوبانىڭ اراسىندا جاسالۋى مۇمكىن, ولاردىڭ ءتىزىمى جوبالاردىڭ نەسيەلىك قاراجاتتى يگەرۋ كەزەڭىندەگى دايىندىعىنا بايلانىستى سBI سەرتيفيكاتتاۋىنا سايكەس انىقتالعان.
ساراپشىلار اتالعان جوبانى جۇزەگە اسىرۋ قازاقستاندا ەنەرگيا ءوندىرۋدىڭ جالپى كولەمىندەگى جەك-ءتىڭ ۇلەسى ارتىپ, ەنەرگيا جۇيەسىندە تاپشىلىق ازايار ەدى دەگەن پىكىردە.
«جاسىل» وبليگاتسيالاردى شىعارۋ دامۋ بانكىنىڭ «استانا» حالىقارالىق قارجى ورتالىعى Astana International Exchange قور بيرجاسى الاڭىندا جۇرگىزىلگەن العاشقى مامىلەسى بولدى.
بۇل رەتتە «استانا» حالىقارالىق قارجى ورتالىعىنىڭ باسشىسى رەنات بەكتۇروۆ: «بۇگىن قازاقستاندا عانا ەمەس, وڭىردە دە جاسىل قارجىلاندىرۋدى دامىتۋدا جاڭا بەلەسكە قول جەتكىزىلدى.ورتالىق ازيادا Climate Bonds Initiative (CBI) ستاندارتى بويىنشا سەرتيفيكاتتالعان جاسىل وبليگاتسيالار العاش رەت ورنالاستىرىلدى. ءبىزدىڭ بيرجامىز اتالعان جىلدار ارالىعىندا يننوۆاتسيالىق جانە تۇراقتى قارجىلىق ونىمدەر الاڭى رەتىندە ءوزىن تانىتتى. مەن «بايتەرەك» حولدينگىنە, ونىڭ ەنشىلەس ۇيىمدارىنا, سونداي-اق ءبىزدىڭ بارلىق ەميتەنتىمىزگە الاڭىمىزدى تاڭداعانى ءۇشىن العىس ايتامىن», دەيدى.