بۇگىن ازەربايجاندا وتكەن «شاماحي – تۇركى الەمىنىڭ تۋريزم استاناسى 2023» ءىس-شاراسىنىڭ جابىلۋ راسىمىندە تۇركىستان قالاسىنا تۇركى الەمىنىڭ 2024 جىلعى تۋريزم استاناسى اتاعى بەرىلدى. رەسمي مارتەبەنى الۋ سالتاناتىنا وڭىردەن ارنايى دەلەگاتسيا قاتىستى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
ء«بىز ءۇشىن تاريحي ءارى قۋانىشتى ءسات. بۇل شەشىم تۇركىتىلدەس ەلدەردىڭ تۋريزم باعىتىنداعى قارىم-قاتىناسىن نىعايتۋعا ايرىقشا سەرپىن بەرەدى. تۇركىستان وبلىسىنداعى تاريحي-تانىمدىق تۋريزمنەن بولەك, ەمدىك-ساۋىقتىرۋ جانە ەكولوگيالىق تۋريزم باعىتىمەن سىزدەردى تانىسۋعا شاقىرامىز», دەدى وبلىستىق قوعامدىق دامۋ باسقارماسى باسشىسى ەرلان كۇزەمباەۆ.
ەسكە سالساق, تۇركى مەملەكەتتەرى ۇيىمى ەلدەرىندەگى تۋريزم ماسەلەلەرىنە جاۋاپتى مينيسترلەردىڭ بيىل قازان ايىندا تۇركىستاندا وتكەن VIII وتىرىسىندا تۇركىستان – تۇركى مەملەكەتتەرىنىڭ 2024 جىلعى تۋريستىك استاناسى رەتىندە بەلگىلەنگەن.
ايتا كەتسەك, تۇركى مەملەكەتتەرى ۇيىمى (تمۇ) تاراپىنان ازەربايجاننىڭ شاماحي قالاسى 2023 جىلى تۇركى الەمىنىڭ تۋريزم استاناسى بولىپ, كوپتەگەن يگى باستامالاردى ىسكە اسىرعان. اتالعان رەسمي مارتەبە بيىل تۇركىستان قالاسىنا تيەسىلى بولدى.