قوستاناي اۋدانى ايسارى اۋىلدىق وكرۋگىنە قاراستى ستەپانوۆ ەلدى مەكەنىنىڭ 68 جاستاعى تۇرعىنى ناتاليا شاماروۆا كەشە تاڭعى ساعات 7 كەزىندە 11 جاستاعى قىزىن جەتەلەپ اۋىلدان شىعىپ كەتكەن. زەينەتكەر جولشىباي كولىكتەردىڭ ءبىرىن توقتاتىپ, قوستانايعا بارىپ ازىق-ت ۇلىك ساتىپ الىپ كەلمەك بولعان.
سودان حابار-وشارسىز كەتكەن. سۋىق حابار پوليتسياعا جەتىسىمەن, دەرەۋ جەدەل ىزدەستىرۋ شارالارى باستالدى. پوليتسيانىڭ ىزدەۋ توبى كەشە كۇنى بويى جاياۋلاپ ءجۇرىپ, قاس قارايعانشا ستەپنوە مەن ايسارىنىڭ اراسىن, قوستاناي قالاسىنا اپاراتىن كۇرە جولدىڭ بويىنداعى ورماندى ءسۇزىپ شىقتى.
بۇگىن تاڭعى 8-دە ىزدەۋ شارالارى قايتا جالعاستى. ىزدەۋ شارالارىنا 120-عا جۋىق ادام, 6 تەحنيكا قاتىسقان. ونىڭ ىشىندە 35 پوليتسەي, 30 تجد قىزمەتكەرى, 30 اسكەري جانە اكىمدىك وكىلدەرىمەن ەرىكتى ىزدەۋ-قۇتقارۋ جاساعىنىڭ ەرىكتىلەرى بار.
وبلىستىق پد كريمينالدىق پوليتسيا باسقارماسى ىزدەستىرۋ ءبولىمىنىڭ باستىعى, پوليتسيا پودپولكوۆنيگى تىلەۋبەردى نۇراحمەتوۆتىڭ ايتۋىنشا, اقتۇتەك بوراندا ءۇسىپ قالعان زەينەتكەر مەن نەمەرەسىنىڭ مۇردەسى ستەپانوۆ اۋىلىنىڭ شەتىنەن تابىلعان. قازىر تەرگەۋ شارالارى ءجۇرىپ جاتىر.