2024 جىلعى 1 قاڭتاردان باستاپ مەملەكەت باسشىسىنىڭ تاپسىرماسىن ىسكە اسىرۋ ماقساتىندا قازاقستاندا ەڭ تومەن جالاقى مولشەرى 70 000 تەڭگەدەن 85 000 تەڭگەگە دەيىن ۇلعايتىلادى, دەپ حابارلايدى Egemen.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.
ەڭبەك كودەكسىنە سايكەس جۇمىس بەرۋشىلەر جۇمىسكەرلەرگە ەڭبەكاقىنى ەتج-دان تومەن بولمايتىن دەڭگەيدە قامتاماسىز ەتۋگە مىندەتتى. ناتيجەسىندە 85 مىڭ تەڭگەگە دەيىن جالاقى الاتىن ءتۇرلى مەنشىك نىسانىنداعى كاسىپورىنداردىڭ بارلىق سالالارىندا جۇمىس ىستەيتىن 1,8 ملن-عا جۋىق جالدامالى جۇمىسكەردىڭ, ونىڭ ىشىندە بيۋدجەت سالاسىنداعى 350 مىڭ قىزمەتكەردىڭ اقشالاي كىرىستەرى وسەدى.
ء«بىرىنشى كەزەكتە ەتج ارتتىرۋ «جالاقىسى تومەن» قىزمەتكەرلەرگە قاتىستى بولادى. ەكىنشىدەن, جالاقى دەڭگەيىن بەلگىلەۋ كەزىندە ەتج كورسەتكىشىن پايدالاناتىن جۇمىس بەرۋشىلەر رازريادارالىق بىلىكتىلىك جۇيەسىن ەسكەرە وتىرىپ, قىزمەتكەرلەردىڭ باسقا ساناتتارىنىڭ جالاقىسىن قايتا قارايتىن بولادى», دەپ ءتۇسىندىردى مينيسترلىك.
ەستەرىڭىزگە سالا كەتەيىك, ەتج ەڭبەك سالاسىنداعى ەڭ تومەن الەۋمەتتىك ستاندارت جانە جىل سايىن ءتيىستى قارجى جىلىنا سايكەس «رەسپۋبليكالىق بيۋدجەت تۋرالى» زاڭمەن بەلگىلەنەدى.