بۇگىن قوستانايدا قاتتى جەل سوعىپ اۋا رايى قولايسىز بولىپ تۇر. سونىڭ سالدارىنان ءبىر مەزەتتە 10 كولىك سوقتىعىسىپ, ءىرى جول اپاتى بولدى. بۇل تۋرالى وبلىستىق پوليتسيا دەپارتامەنتى حابارلادى, دەپ جازادى Egemen.kz.
جول اپاتىنان قازا بولعاندار جوق, ءبىر ادام زارداپ شەگىپ, اۋرۋحاناعا جەتكىزىلگەن.
«26 جەلتوقسان كۇنى ساعات شامامەن 11.10 كەزىندە قوستانايداعى اباي داڭعىلى بويىنداعى «استىقجان» ساۋدا ءۇيىنىڭ ماڭىندا 10 كولىك سوقتىعىسقان جول-كولىك وقيعاسى بولدى. قازىرگى ۋاقىتتا وقيعا ورنىنان ءبىر ادام مەديتسينالىق مەكەمەگە جەتكىزىلدى. جول-كولىك وقيعاسىنىڭ سەبەبى انىقتالىپ جاتىر», دەلىنگەن وبلىستىق پوليتسيا دەپارتامەنتى تاراتقان حابارلامادا.