«قازگيدرومەت» رمك دەرەكتەرى بويىنشا, بۇگىن, 24 جەلتوقساندا قازاقستاننىڭ جەتى قالاسىندا اۋا ساپاسى ناشارلايدى, دەپ حابارلايدى Egemen.kz.
24 جەلتوقساندا الماتى, استانا, ريددەر, وسكەمەن, قاراعاندى, تەمىرتاۋ, كوكشەتاۋ قالالارىندا اۋانىڭ لاستانۋى سيپاتىندا قولايسىز مەتەورولوگيالىق جاعدايلار كۇتىلەدى.
«قولايسىز مەتەوجاعدايلار (قمج) - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىنىمىق, ءالسىز جەل, تۇمان, ينۆەرسيا) جيىنتىعى. قمج پايدا بولعان كەزدە ەلدىمەكەندەردەگى اتموسفەرالىق اۋا ساپاسىنىڭ ناشارلاۋى مۇمكىن», دەلىنگەن حابارلامادا.
لاستانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى - سينوپتيكالىق جاعدايدىڭ بولجامى (جەل, جاۋىن-شاشىن, ىلعالدىلىق, اۋا تەمپەراتۋراسى).