اباي وبلىسىنىڭ ورتالىعى سەمەي قالاسىنداعى «اربات» الاڭىندا «ق ۇلىن مەن بالا» اتتى تاماشا تۋىندى ءب ۇلىندى. قالا ءسانى ءۇشىن قويىلعان, قولادان قۇيىلعان بۇل ءمۇسىن وتكەن جىلدىڭ كۇزىندە عانا «ماڭگىلىك ەل» كوشەسىنىڭ باستاۋىنا ورناتىلعان ەدى. شاعىن الاڭنىڭ ءبىر جاق قاپتالىندا سەمەي قالالىق اكىمدىگى ورنالاسقان.
ءدال تاۋەلسىزدىك كۇنى قارساڭىندا كوز تارتاتىن وسىناۋ ق ۇلىن جەتەكتەگەن بالانىڭ وڭ قولىن الدەبىر بۇزاقىلاردىڭ «كەسىپ اكەتكەنى» قالا تۇرعىندارىنىڭ نارازىلىعىن تۋعىزدى. بۇعان قاتىستى سەمەي قالاسى اكىمدىگى تاراپىنان جاۋاپ بولمادى.
ال, كەشە كەشكىسىن اباي وبلىستىق پوليتسيا دەپارتامەنتى مادەني نىساندى ءبۇلدىرىپ كەتكەندەر ىزدەستىرىلىپ جاتقانىن حابارلادى.
ايتا كەتەيىك, تۋىندى اۆتورى — نۇربول قاليەۆ, قر سۋرەتشىلەر وداعىنىڭ مۇشەسى. سەمەيدەگى «اقىن اباي بالالارىمەن» جانە «ۇستاز بەن شاكىرت» ەسكەرتكىشتەرىمەن دە تانىمال.
نۇبول قاليەۆتى وتكەن جىلى مەملەكەت باسشىسى «قۇرمەت» وردەنىمەن ماراپاتتاعان بولاتىن.
اتالعان جاريالانىمعا قاتىستى, اباي وبلىسى پوليتسيا دەپارتامەنتى سەمەي قالاسى پوليتسيا باسقارماسىنىڭ ورتالىق پوليتسيا ءبولىمى ارباتتا ورناتىلعان ءمۇسىننىڭ ب ۇلىنۋىنە قاتىستى 2023 جىلدىڭ 16 جەلتوقسانىندا قر قىلمىستىق كودەكستىڭ 293-بابىنىڭ 1-تارماعى «بۇزاقىلىق» بويىنشا سوتقا دەيىنگى تەرگەۋدى باستاعانىن حابارلادى.
اتالعان باپتىڭ سانكتسياسى ەكى مىڭ ايلىق ەسەپتiك كورسەتكiشكە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە التى ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا نە ەكى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋ جازاسى كوزدەلگەن.
قازىرگى ۋاقىتتا جاسالعان قىلمىستى اشۋعا باعىتتالعان جەدەل-ىزدەستىرۋ شارالارى جۇرگىزىلىپ جاتىر.