قىزىلوردادا «Inno.Fest Qyzylorda-2023» يننوۆاتسيالىق جوبالار فەستيۆالى ءوتتى. ايماق دامۋىنا سەرپىن بەرەتىن جاڭا يننوۆاتسيالىق يدەيالاردى قولداپ, ءىت باعىتقا قىزىعۋشى جاستاردىڭ جوبالارىن قارجىلاندىرۋعا جول اشاتىن بايقاۋعا قاتىسقان 250 كوماندا اراسىندا ءوڭىر جاستارىنان بولەك استانا, تۇركىستان قالالارىنىڭ وكىلدەرى بولدى.
«Inno.Fest Qyzylorda» – «Smartسity», «كونتەنت&ديزاين», «كينو&ۆيدەو» باعىتتارى بويىنشا 24 ساعات ىشىندە يدەيادان پروتوتيپكە دەي̆ىن ءىت جوبا ازىرلەۋدى كوزدەگەن فەستيۆال. وندا جاستار تسيفرلى ساباق جوسپارى, تەلەفون الاياقتارىنان قورعانۋ, سمارت تۋريزم, «سويلەيتىن» الىپپە جوبالارىن ۇسىندى.
فەستيۆال قاتىسۋشىلارىن بەينەبايلانىس ارقىلى قۇتتىقتاعان تسيفرلىق دامۋ, يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى قانىش تولەۋشين «Inno.Fest» جاستاردىڭ ىزدەنىسىن ۇلعايتىپ, قابىلەتىن اشاتىن بىرەگەي جوبا ەكەنىن ايتتى. وبلىس اكىمى اپپاراتى باسشىسىنىڭ ورىنباسارى ەرلان باكىروۆ ايماق باسشىسىنىڭ ءىت سالانىڭ دامۋىنا ۇلەس قوسىپ جۇرگەن جاستارعا ءاردايىم قولداۋ بىلدىرەتىنىن ايتىپ, ءدال قازىر ءبىزدىڭ نارىققا كرەاتيۆتى يندۋستريانى قالىپتاستىراتىن ازاماتتار كەرەگىن اتاپ ءوتتى.
«جاقىندا عانا وبلىس اكىمىنىڭ قولداۋىمەن قىزىلوردادا سەۋل عىلىم جانە تەحنولوگيالار ۋنيۆەرسيتەتىنىڭ جاساندى ينتەللەكت جانە جوعارى ماتەماتيكا مەكتەبى اشىلدى. ەندى ءبىزدىڭ جاستار جاساندى ينتەللەكت سالاسىنداعى جاڭاشىلدىقتاردى مەڭگەرىپ, كورەيادا ءبىلىمىن جەتىلدىرۋگە مۇمكىندىك الادى. سونىمەن بىرگە بيىل «Inno.Fest» تاريحىندا العاش رەت استانا ءىت ۋنيۆەرسيتەتىنىڭ گرانتى تابىستالدى. بۇل – تالاپتى جاسقا ۇلكەن قولداۋ», دەدى ول.
فەستيۆالدا ءىت, مەديا جانە كينويندۋستريا سالاسىندا جەتىستىككە جەتكەن سپيكەرلەر شاقىرىلىپ, ولار جاستارمەن شەبەرلىك ساعاتتارىن وتكىزىپ, يدەيالاردى بىرلەسە تالقىلادى.
بايقاۋدا 9 جوبا ۇزدىك دەپ تانىلدى. ولارعا جالپى جۇلدە قورى 3 ملن تەڭگە بولاتىن سىياقى ۇلەستىرىلدى. ءبىرىنشى ورىن العان كوماندالارعا – 500 000 تەڭگەنىڭ, ەكىنشى ورىنعا – 300 000 تەڭگەنىڭ, ال ءۇشىنشى ورىن تۇعىرىنا شىققاندارعا 200 000 تەڭگەنىڭ قارجىلاي سەرتيفيكاتتارى تابىستالدى. ودان بولەك, ۇزدىك شىققان جاستارعا Astana IT ۋنيۆەرسيتەتىنىڭ 3 وقۋ گرانتى, قورقىت اتا اتىنداعى قىزىلوردا ۋنيۆەرسيتەتىنىڭ 3 وقۋ گرانتى, «بولاشاق» ۋنيۆەرسيتەتىنىڭ 3 وقۋ گرانتى, قىزىلوردا اشىق ۋنيۆەرسيتەتىنىڭ 1 وقۋ گرانتى بەرىلدى. كوپتەگەن قاتىسۋشى فەستيۆال سەرىكتەستەرىنىڭ باعالى سىيلىقتارىن يەلەندى.
بايقاۋدىڭ ەڭ جاس قاتىسۋشىسى 6 جاسار نۇرزەرەك نۇرادينوۆ پەن ەگدە قاتىسۋشى 60 جاستاعى ماۆليۋتحان Cاماتوۆقا ارنايى سىيلىق تابىس ەتىلدى. جاستار جوباسى جۇلدە يەلەنگەن بايقاۋدى قىزىلوردا وبلىسى اكىمى اپپاراتىنىڭ اقپاراتتىق تەحنولوگيالار ورتالىعى مەن قورقىت اتا اتىنداعى قىزىلوردا ۋنيۆەرسيتەتىنىڭ «Kyzylorda Hub» بيزنەس-ينكۋباتورى ۇيىمداستىردى.
قىزىلوردا وبلىسى