ەلوردادا جىل سايىنعى «استانا» سپورت فورۋمى ءوتتى, دەپ حابارلايدى قالا اكىمدىگىنىڭ رەسمي سايتىنا سىلتەمە جاساپ.
ءىس-شارادا حانچجوۋداعى ازيا ويىندارىنىڭ كۇمىس جۇلدەگەرى گالينا دۋۆانوۆاعا پاتەر كىلتى تابىستالدى.
ەلوردا اكىمدىگىنىڭ قولداۋىمەن «قازاقستان سپورتشىلار وداعى» رقب ۇيىمداستىرعان ءىس-شارا بەيبىتشىلىك جانە كەلىسىم سارايىندا ءوتتى.
«اكىمدىك پەن سپورتشىلار وداعى وسى ءىس-شارانى بىرلەسىپ وتكىزۋ تۋرالى شەشىم قابىلدادى. ەلوردادا سپورت سالاسى دامىپ كەلەدى. بۇل ءبىز ءۇشىن ەرەكشە ماڭىزعا يە. سپورت ادامداردى عانا ەمەس, ەلدەردى دە بىرىكتىرەدى. سپورتتىڭ كۇشى مىنە وسى», دەدى ءىس-شارا بارىسىندا استانا اكىمىنىڭ ورىنباسارى ەسەت بايكەن.