ەلوردادا ءداستۇرلى تۇردە ۇيىمداستىرىلاتىن «استانا» سپورت فورۋمى ءوتتى. فورۋم اياسىندا جىلدىڭ ۇزدىك سپورتشىلارى انىقتالدى, دەپ جازادى Egemen.kz استانا قالاسى اكىمدىگىنىڭ رەسمي سايتىنا سىلتەمە جاساپ.
بەيبىتشىلىك جانە كەلىسىم سارايىندا قازىلار القاسى مۇشەلەرىنىڭ داۋىس بەرۋ قورىتىندىسى جاريالانىپ, نوميناتسيالاردىڭ جەڭىمپازدارى ماراپاتتالدى. بوكستان 75 كەلىدە الەم چەمپيونى نۇربەك ورالباي «ەرلەر اراسىنداعى جىل سپورتشىسى» اتاندى.
بۇدان بولەك:
«سپورت ارداگەرلەرى» – مارات قۋانىشەۆ, مەرەي اقشالوۆ, جانات ماناشەۆ, اناتولي حراپاتىي (قايتىس بولعاننان كەيىن);- «ەرلەر اراسىنداعى جىل سپورتشىسى» – نۇربەك ورالباي;- «ايەلدەر اراسىنداعى جىل سپورتشىسى» – ءجاميلا باقبەرگەنوۆا;- «ايەلدەر اراسىنداعى پارا سپورتشى» – اقمارال ناۋاتبەك;- «ەرلەر اراسىنداعى پارا سپورتشى» – ەرعالي شامەي;- «سپورت تۇرلەرى بويىنشا جىل جاتتىقتىرۋشىسى» – داۋرەن ورازوۆ;- «جىل جاتتىقتىرۋشىسى» – اسقار ەركەباەۆ;- «جىلدىڭ ۇزدىك ەلوردالىق فەدەراتسياسى» – استانانىڭ ۇلتتىق جانە وليمپيادالىق ات سپورتى تۇرلەرىنىڭ فەدەراتسياسى;- «ۇلتتىق سپورت تۇرلەرى بويىنشا ۇزدىك سپورتشى» – گۇلنار بازاراليەۆا;- «جىلدىڭ ۇزدىك بالالار-جاسوسپىرىمدەر سپورت مەكتەبى» – استانا اكىمدىگىنىڭ «بالالار-جاسوسپىرىمدەر سپورت مەكتەبى, مۇگەدەكتەرگە ارنالعان سپورت مەكتەبى» كمم;- «جىل سەرپىلىسى» – نۇرجان باتىربەكوۆ جانە «جەڭىس» فۋتبول كومانداسى;- «جىل مەتسەناتى» – دميتري ينيۋتين, اسحات مۇقاشەۆ, اسەت نۇرعوجين, قۋانىش نۇرتاقوۆ نوميناتسيالارى بويىنشا جەڭىمپازدار انىقتالدى.
«اكىمدىك پەن سورتشىلار وداعى وسى ءىس-شارانى بىرلەسىپ وتكىزۋ تۋرالى شەشىم قابىلدادى. ەلوردادا سپورت سالاسى دامىپ كەلەدى. بۇل ءبىز ءۇشىن ەرەكشە ماڭىزعا يە. سپورت ادامداردى عانا ەمەس, ەلدەردى دە بىرىكتىرەدى. سپورتتىڭ كۇشى مىنە وسى», دەدى ءىس-شارانىڭ اشىلۋىندا استانا اكىمىنىڭ ورىنباسارى ەسەت بايكەن.
ءىس-شارادا حانچجوۋداعى ازيا ويىندارىنىڭ كۇمىس جۇلدەگەرى گالينا دۋۆانوۆاعا پاتەر كىلتى تابىستالدى.