قالالىق پوليتسيا دەپارتامەنتى اۋا رايىنا جانە جاۋىن-شاشىننىڭ كوپ تۇسۋىنە بايلانىستى جول قوزعالىسىنىڭ بارلىق قاتىسۋشىلارىنا بارىنشا مۇقيات بولۋعا كەڭەس بەردى, دەپ حابارلايدى Egemen.kz.
پوليتسيا سونداي-اق جۇرگىزۋشىلەر عانا ەمەس, جاياۋ جۇرگىنشىلەرگە دە ەرەكشە مۇقيات بولۋ كەرەك ەكەنىن ەسكەرتتى.
«جولدا جاقىنداپ كەلە جاتقان اۆتوكولىكتىڭ جوقتىعىنا كوز جەتكىزىپ, گادجەتتى ۇستاماۋعا تىرىسۋ كەرەك. ساقتىق شارالارى جول-كولىك وقيعالارىنىڭ سانىن ايتارلىقتاي ازايتۋعا كومەكتەسەدى. جۇرگىزۋشىلەردى مۇقيات بولۋعا, كولىكتەردى جول بويىنا قويماۋعا, قوعامدىق كولىكتەردىڭ قوزعالىسىنا جانە قار تازالاۋ تەحنيكاسىنىڭ جۇمىسىنا كەدەرگى كەلتىرمەۋگە شاقىرامىز», دەلىنگەن حابارلامادا.