جايىقتاعى جاڭا مەكتەپ

بۇل – بايتەرەك اۋدانىندا بيىلدىققا جاڭادان سالىنعان ەكىنشى مەكتەپ. تاعى ءتورت اۋىلدا مەكتەپ قۇرىلىسى ءجۇرىپ جاتىر. مۇنىڭ ءبارى ەل پرەزيدەنتىنىڭ جولداۋىنداعى اپاتتى جاعداي­داعى مەكتەپتەردى جويۋ جانە ءۇش اۋىسىمدى مەكتەپتەردىڭ ماسەلەسىن شەشۋ تاپسىرماسىنا سايكەس اتقارىلىپ جاتىر.

جايىق اۋىلىنىڭ وقۋشى­لارى بۇعان دەيىن كورشى اۋىلعا بارىپ وقيتىن. ەندى ولار بيىلعى تاۋەلسىزدىك مەرەكەسىن ءومىر بويى ۇمىتپايدى. سۋ جاڭا عيماراتتا 14 وقۋ كابينەتى بار, ونىڭ ىشىندە بىرىكتىرىلگەن حيميا-بيولوگيا, فيزيكا-ماتەماتيكا, قازاق ءتىلى-ورىس ءتىلى, شەتەل ءتىلى, مۋلتيمەديا, ينفورماتيكا كابينەتتەرى شاكىرتتەردىڭ زامانعا ساي ءبىلىم الۋىنا سەپ بولماق. سونىمەن قاتار مەكتەپ 2 شەبەرحانامەن, سپورتزالمەن, كىتاپحانامەن, 70 ورىندىق اكت زالىمەن, 40 ورىندىق اسحانامەن جابدىقتالعان. اۋلادا 2 ويىن, فۋتبول, باسكەتبول, جۇگىرۋ جانە سپورت الاڭدارى بار.

جاقىندا وسىنداي جاڭا مەكتەپ ماكاروۆ اۋىلدىق وكرۋگىن­دەگى سادوۆىي, كوشىم اۋىلدىق وكرۋگىندەگى وركەن اۋىلدارىندا دا اشىلادى.

بايتەرەك اۋدانىندا «جايلى مەكتەپ» ۇلتتىق جوباسى اياسىن­دا دا ءبىلىم نىساندارى سالىنىپ جاتىر. مىسالى, دوستىق اۋىلىندا 1 200 ورىندىق, بايقونىس اۋىلىن­دا 600 ورىندىق مەكتەپ قۇرىلى­سى ءجۇرىپ جاتىر. ال 2024 جىلى بايقونىس اۋىلدىق وكرۋگىنىڭ ۆولودار اۋىلىندا 300 ورىندىق, داريان اۋىلدىق وكرۋگىنىڭ وزەرنوە اۋىلىندا 108 ورىندىق مەكتەپ سالۋ جوسپارلانعان.

باتىس قازاقستان وبلىسى