«حابار» تەلەارناسىنىڭ تاڭعى حابارىنا قوناق بولعان ءانشى, قازاقستاننىڭ ەڭبەك سىڭىرگەن قايراتكەرى سۆەتا ايتباەۆا قازاقتىڭ تاعامعا قاتىستى ىرىمدارىن ءسوز ەتتى, دەپ حابارلايدى Egemen.kz.
الەمگە تانىمال ءانشى ديماش قۇدايبەرگەننىڭ اناسى ۇلتابار تاعامىنىڭ قادىر-قاسيەتىنە توقتالىپ, ءسۇيىنشى جاڭالىعىن ءبولىستى.
«ۇلتابار - قازاقتىڭ وتە ادەمى تاعامدارىنىڭ ءبىرى. مالدىڭ قارىنىنىڭ ءبىر بولىگى عوي. بىراق قازاق ءاربىر تاعامعا قاتتى ءمان بەرگەن, ال ۇلتاباردى ەرەكشە باعالايدى. نەگە ۇلتاباردى تاڭدادىق؟ سەبەبى بۇل ايەل ادامدارعا جاقىنداۋ. اتىنىڭ ءوزى قانداي ءيا؟ ءبىز ۇلدىڭ ءوزىن شاڭىراققا يە بوپ قالادى دەپ باعالايمىز. اتۇستار دۇنيەگە كەلدى دەپ جاتامىز», دەدى ونەر يەسى.
سۆەتلانا ايتباەۆا ۇلتابار جەگەن كەلىنى بوسانعانىن ايتتى.
«بۇگىن دە ءبىر جاقسى جاڭالىق, كەلىنىمىز ۇلدى بولىپ, اتۇستار دۇنيەگە اكەلىپ, قازىر پەرزەنتحاناعا بارىپ, سول كەلىندى شىعارىپ الامىز. ول دا وسىنداي ۇلتاباردىڭ ءدامىن تاتقان جاقسى كەلىن. لۇقپان جولداسوۆتىڭ ۇلى بولاتتىڭ بوپەسى. ۇلتاباردى سىيتاباقتارعا سالادى عوي, بىراق ەت تۋراپ وتىرعان ادام ونى اڭعارىپ, ۇلتاباردىڭ شەتكى, شوشايىپ تۇرعان بولىگىن جاس كەلىنگە ۇسىنادى. «ۇل تاپسىن, ۇلدى بولسىن» دەگەن ماقساتتا جەگىزەدى», دەدى سۆەتلانا ايتباەۆا.