قاۋىپسىز قوعام قالاي قالىپتاسادى؟

قوعامداعى قاۋىپسىزدىك پەن ءتارتىپ – ور­تاق ماقسات. وسىنى جالاۋ ەتكەن جانا­شىر­لار 400-گە جۋىق رەيد جۇرگىزگەن. ولار ويىن-ساۋىق ورىندارىن, سايا­باق­­تاردى, تۇرعىن ۇيلەردىڭ اۋلالارىن­ ارا­لاپ, تۇندە جول ەرەجەلەرىنىڭ ساق­تا­­لۋىن باقىلاعان. كۇنى بۇگىنگە دەيىن شا­­ما­­مەن 8 600 قۇقىق بۇزۋشىلىق فاك­تى­­­سىن تىركەگەن.

«كۇندەلىكتى ءىس-ارەكەتىمىزدە مەيى­رىم­­­­دىلىك پەن ادالدىقتى, ءتارتىپ پەن تار­بيە­نى باسشىلىققا الىپ, ادەپ نورما­لا­­­رىن مۇلتىكسىز ساقتاۋ – دامىعان قو­­­عام قالىپتاستىرۋدىڭ نەگىزى. ءبىز ءۇشىن «قاۋىپسىز قوعام» قاعازداعى مىن­دەت­­تەر­دىڭ ءتىزىمى عانا ەمەس, بۇل – ەڭ الدى­­مەن, بولاشاققا قامقورلىق. ءبىزدىڭ ارە­­كەتىمىز وتانداستارىمىزدىڭ ءومى­رىن­ جاق­سى جاققا وزگەرتە الادى دەپ سەنە­مىن. ءبارىمىز جۇمىلىپ, مۇقتاج جان­دار­عا­ ۆو­­لونتەرلىك, قايىرىمدىلىق كومەك كور­­­سەتۋگە دايىنبىز», دەدى «جاستار رۋحى» توراعاسىنىڭ ورىنباسارى اقەركە ەسكەندىروۆا.

ءىىم اكىمشىلىك پوليتسيا كوميتەتى باس­­قارماسىنىڭ باسشىسى عالىم سار­عۇ­­­لوۆتىڭ سوزىنشە, «قاۋىپسىز قوعام» ناۋ­­قانى حالىق اراسىندا «ادىلەتتى قا­­زاقستان» تۇجىرىمداماسىنا ساي­كەس­ جاڭا قۇقىقتىق مادەنيەتتى قالىپ­تاس­­تىرۋعا سەپ بولادى. وسى رەتتە مي­نيسترلىك جاستارعا زاڭ جانە ءتارتىپ تۋ­را­­لى دارىستەر وتكىزگەن. وعان قوسا تۇر­­مىس­تىق زورلىق-زومبىلىقتىڭ ال­دىن­ الۋ بويىنشا ءىس-شارالار ۇيىم­داس­­تىرعان.

«زاڭ مەن ءتارتىپتى ساقتاۋدىڭ الدىڭعى شەبىندە تۇرىپ, ءبىز پوليتسيا قىزمەتكەرلەرى ءوز مىندەتىمىزدى ورىنداپ قانا قويماي, قوعام تىنىشتىعىن قورعاۋدى ومىرلىك مۇراتىمىزعا اينالدىردىق. ءبىزدىڭ جۇمىسىمىز – قۇقىقتىق ءتارتىپتى ساقتاۋ, زاڭ بۇزۋشىلىقتاردى انىقتاۋ عانا ەمەس, سونىمەن قاتار كوپشىلىك كۇن سا­يىن كەزدەسەتىن قيىندىقتاردىڭ الدىن الۋ, قوعامدا سەنىمدى قارىم-قاتىناس ورناتۋ. قيىندىققا تاپ بولعاندارعا كومەكتەسۋ, ءتۇرلى داۋ-جانجالدىڭ الدىن الۋ – ءبىز ءۇشىن جاي عانا مىندەت ەمەس, ۇلكەن ابىروي. وتانداستارىمىزبەن بىرگە قاۋىپسىز, ۇيلەسىمدى قوعام قۇرىپ جاتىرمىز دەپ سەنەمىز», دەدى ع.سارعۇلوۆ.

ماسەلەن, اقمولا وبلىسىندا پوليتسيا قىزمەتكەرلەرى «جاستار رۋحى» بەلسەندىلەرىمەن بىرگە ارنايى ەسەپكە الىنعان 1 مىڭنان استام ادامدى تەكسەرىپتى. ناتيجەسىندە, ۇساق بۇزاقىلىق, ىشىمدىك ءىشۋ نەمەسە قوعامدىق ورىنداردا ماس كۇيىندە ءجۇرۋ سەكىلدى 564 اكىمشىلىك قۇقىق بۇزۋشىلىق فاكتىسىنىڭ جولىن كەسكەن. پاترۋلدىك جاساقتار 250-دەن استام جول قوزعالىسى ەرەجەلەرىن بۇزعان جاعدايدى انىقتاعان. ال پەتروپاۆلدا يۋۆەنالدى پوليتسەيلەر, ۋچاسكەلىك ينس­پەكتورلار مەن جاستاردان قۇرالعان ءموبيلدى توپتار قالانىڭ بىرقاتار مەكتەبىندە «دابىل تۇيمەلەرى» مەن كۇزەتتىڭ بار-جوعىن ءجىتى تەكسەرگەن.

«بۇگىندە وبلىستا «قولايسىز وتبا­سىلار» ساناتىندا 150-گە جۋىق شا­­ڭى­­راق ەسەپتە تۇرسا, ولاردىڭ 110-ى­ ەسەپكە بيىل قويىلدى. قاڭتاردان باس­تاپ 62 زاڭدى وكىل اتا-انا قۇقى­عى­نان ايىرىلدى, 727 ادام اتا-انا مىن­دەتتەرىن ورىنداماعانى ءۇشىن اكىم­شى­لىك جاۋاپكەرشىلىككە تارتىلدى. يۋۆەنالدى پوليتسيا قىزمەتكەرلەرى ءجيى كەزدەسەتىن قۇقىق بۇزۋشىلىق – جاسوسپىرىمدەردىڭ زاڭدى وكىلدەرىنسىز تۇندە ۇيدەن تىس جەردە بولۋى. جىل باسىنان بەرى وسىنداي 2 358 دەرەك انىقتالدى», دەدى سولتۇستىك قازاقستان وبلىسى پد جەرگىلىكتى پوليتسيا قىزمەتى باسقارماسىنىڭ باسشىسى ايدىن بايماتوۆ.