عىلىم جانە جوعارى ءبىلىم مينيسترلىگى ۇلتتىق بىرىڭعاي تەستىلەۋدى وتكىزۋ جانە «ۇلتتىق بىرىڭعاي تەستىلەۋدەن وتكەنى تۋرالى كۋالىك بەرۋ» مەملەكەتتىك قىزمەتىن كورسەتۋ قاعيدالارىنا وزگەرىستەر مەن تولىقتىرۋلار ەنگىزۋدى جوسپارلاپ وتىر, دەپ حابارلايدى Egemen.kz.
اتاپ ايتقاندا, تەست تاپسىرمالارى مەن باعالاۋ ۇپايلارىنىڭ سانىن وزگەرتۋ بولىگىندە ۇلتتىق بىرىڭعاي تەستىلەۋدىڭ فورماتىن جەتىلدىرۋ جوسپارلانىپ وتىر.
وسىلايشا, قىسقارتىلعان وقۋ مەرزىمىن قاراستىراتىن ءبىلىم بەرۋ باعدارلامالارىنا تۇسەتىندەردى قوسپاعاندا, ورتا, تەحنيكالىق, كاسىپتىك نەمەسە ورتا بىلىمنەن كەيىنگى ءبىلىم بەرۋ ۇيىمدارىنىڭ تۇلەكتەرى ءۇشىن ۇبت تەست تاپسىرمالارىنىڭ سانى:
قازاقستان تاريحى بويىنشا – 20;
ماتەماتيكالىق ساۋاتتىلىق بويىنشا – 10 (قازىر 15);
وقۋ ساۋاتتىلىعى بويىنشا (وقىتۋ ءتىلى) – 10 (قازىر 15);
ءبىرىنشى مامانداندىرىلعان ءپان بويىنشا – 40 (قازىر 35);
ەكىنشى بەيىندىك ءپان بويىنشا – 40 (قازىر 35).
سونداي-اق مۇمكىندىگى شەكتەۋلى بالالار مەن كورۋ قابىلەتى بۇزىلعان بالالار ءۇشىن ۇبت پاندەرى بويىنشا تەست تاپسىرمالارىنىڭ نۇسقالارى دياگراممالاردى, كەستەلەردى, كارتا سىزبالارىن جانە گرافيكتەردى قولدانباي قالىپتاستىرىلاتىنى قوسىلدى.
شىعارماشىلىق دايىندىقتى قاجەت ەتەتىن ءبىلىم بەرۋ باعدارلامالارى توبىندا وقيتىن جانە اقىلى نەگىزدە ءبىلىم بەرۋ باعدارلامالارىنىڭ باسقا توپتارىنا اۋىسقىسى كەلەتىن جوعارى وقۋ ورىندارىنىڭ ستۋدەنتتەرى ءۇشىن ۇبت تەست تاپسىرمالارىنىڭ سانى:
ءبىرىنشى مامانداندىرىلعان ءپان بويىنشا – 40 (قازىر 35);
ەكىنشى بەيىندىك ءپان بويىنشا – 40 (قازىر 35).
سونىمەن قاتار قازاق ءتىلىن مەڭگەرگەنىن راستايتىن قازتەست سەرتيفيكاتى بار, نەگىزگى پاندەردىڭ ءبىرى رەتىندە «قازاق ءتىلىن» تاڭداعان تۇلعالاردى تالاپكەردىڭ ءوتىنىشى بويىنشا ۇبت بالىنا قايتا اۋدارۋ قاراستىرىلعان.
«ۆ1 (ورتا) دەڭگەيىنەن تومەن ەمەس, قازاق ءتىلىن مەڭگەرگەندىگىن راستايتىن قازتەست سەرتيفيكاتى بار وقۋشىلار ۇبت-دا «قازاق ءتىلى» ءپانىن نەمەسە ارنايى ءپاندى تاپسىرۋدان ءوز قالاۋلارى بويىنشا بوساتىلادى. سونداي-اق ەمتيحان تاپسىرۋ كونكۋرسىنا قاتىسىپ ءبىلىم بەرۋ گرانتىنا يە بولادى نەمەسە ۇلگىلىك قاعيدالاردىڭ 4-2-تارماعىنا جانە 2-2-قوسىمشاسىنا سايكەس باللداردى اۋدارۋ شاكىلى بويىنشا اقىلى نەگىزدە وقۋعا تۇسەدى», دەلىنگەن تۇزەتۋدە.
شىعارماشىلىق دايىندىقتى قاجەت ەتەتىن ءبىلىم بەرۋ باعدارلامالارى توبىنا تۇسەتىن تۇلعالاردىڭ شەكتى ۇپاي سانى دا ۇلعايتىلدى. ەندى ول ۇبت بويىنشا 125 ەمەس, 130 بالل بولادى.
سونىمەن قاتار اپپەلياتسياعا دا وزگەرىستەر ەنگىزىلدى. وزگەرىسكە سايكەس, اپەللياتسياعا كەلىپ تۇسكەن وتىنىشتەردى رەسپۋبليكالىق اپەللياتسيالىق كوميسسيا 30 جۇمىس كۇنى ىشىندە قارايدى. رەسپۋبليكالىق اپەللياتسيالىق كوميسسيا وتىنىشتەردى قاراۋدى كۇنتىزبەلىك جىلدىڭ 13 شىلدەسىنە دەيىن اياقتايدى. ءوتىنىش بەرۋشىنىڭ جەكە كابينەتىندە رەسپۋبليكالىق اپەللياتسيالىق كوميسسيا وتىرىسىن وتكىزۋ ۋاقىتى تۋرالى اقپارات كورسەتىلەدى. ءوتiنiش بەرۋشiنiڭ ءوتiنiشi بويىنشا اپەللياتسيالىق ءوتiنiشتi رەسپۋبليكالىق اپەللياتسيالىق كوميسسيا وتىرىسى وتكەنگە دەيiن ونىڭ جەكە كابينەتiندە قايتارىپ الۋعا بولادى. اپەللياتسيالىق ءوتىنىش ءبىر جۇمىس كۇنى ىشىندە قايتارىپ الىنعان جاعدايدا, ۇبت سەرتيفيكاتى تالاپكەردىڭ جەكە كابينەتىندە كورسەتىلەدى.
قۇجات 26 جەلتوقسانعا دەيىن قوعامدىق تالقىلاۋ ءۇشىن اشىق «نقا» سايتىنا ورنالاستىرىلدى.