باس پروكۋروردىڭ ورىنباسارى اسەت شىنداليەۆ 6 جىلعا باس بوستاندىعىنان ايىرىلعان قايرات ساتىبالدىنىڭ شارتتى تۇردە مەرزىمىنەن بۇرىن بوساتۋ تۋرالى ءوتىنىش جازعانىن راستادى, دەپ حابارلايدى Egemen.kz.
جۋرناليستەردىڭ ساۋالىنا جاۋاپ بەرگەن باس پروكۋروردىڭ ورىنباسارى اسەت شىنداليەۆ ءاربىر سوتتالۋشى شارتتى تۇردە مەرزىمىنەن بۇرىن بوساپ شىعۋىنا ءوتىنىش جازۋعا قۇقىعى بار ەكەنىن ايتتى. «قايرات ساتىبالدى دا ءوتىنىش بەردى, سوت ونى قاراستىرادى. شارتتى تۇردە مەرزىمىنەن بۇرىن بوساتۋ نەمەسە وتىنىشتەن باس تارتۋ تۋرالى شەشىمدى سوت شەشىم قابىلدايدى. قاشان قارالاتىنىن, قانداي شەشىم قابىلداناتىنىن بىلمەيمىن», دەدى ءا.شىنداليەۆ.
2022 جىلدىڭ قىركۇيەك ايىندا استانا قالاسىنىڭ قىلمىستىق ىستەر جونىندەگى №2 سوتى قايرات ساتىبالدىنى «الداۋ نەمەسە سەنىمگە قيانات جاساۋ جولىمەن م ۇلىكتىك زالال كەلتىرۋ», «سەنىپ تاپسىرىلعان بوتەن م ۇلىكتى يەمدەنۋ نەمەسە تالان-تاراجعا سالۋ» باپتارى بويىنشا ايىپتاپ, 6 جىلعا سوتتاعان بولاتىن.