الماتى اكىمشىلىك پوليتسياسى ناۋقان اياسىندا 25 مىڭ 500-دەن استام شەتەلدىك اۆتوكولىكتى زاڭداستىرعانىن almaty_police_department ينستاگرام ارناسى ءمالىم قىلدى, دەپ حابارلايدى Egemen.kz.
مەملەكەت باسشىسىنىڭ تاپسىرماسى بويىنشا بيىلعى جىلدىڭ 23 قاڭتارىنان باستاپ قازاقستانعا 2022 جىلعى 1 قىركۇيەككە دەيىن اكەلىنگەن كولىكتەردى مەملەكەتتىك تىركەۋ جۇرگىزىلىپ جاتىر. الماتى قالالىق پد اكىمشىلىك پوليتسيا باسقارماسى پروتسەسسينگ ورتالىعىنىڭ مالىمەتىنشە, ناۋقان باستالعالى بارلىعى 25 مىڭ 570 شەتەلدىك اۆتوكولىك تىركەلسە, ونىڭ 8 مىڭ 727-ءسى وڭ ءرۋلدى. قالا پوليتسياسى وسى جىلدىڭ 1 شىلدەسىنە دەيىن شەتەلدىك كولىكتەردى زاڭداستىرۋ تۋرالى بەرىلگەن وتىنىشتەر تەك بيىلعى 31 جەلتوقسانعا دەيىن قارالاتىنىن ەسكە سالدى. ۋاقىتتىڭ شەكتەۋلىلىگىن ەسكەرتە وتىرىپ, پوليتسيا كولىك يەلەرىن زاڭداستىرۋ ءراسىمىن اياقتاپ, كولىك قۇرالدارىن تىركەۋگە شاقىردى.